ദുല്‍ക്കര്‍ സല്‍മാന്‍ ചിത്രം കമ്മട്ടിപ്പാടത്തെ അഭിനേതാക്കള്‍ വീണ്ടും ഒന്നിക്കുന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത്. ‘ജുംബാ ലഹരി’ എന്ന് പേരിട്ടിരിക്കുന്ന ചിത്രത്തിന്റെ പോസ്റ്റര്‍ ദുല്‍ക്കര്‍ സല്‍മാനാണ് തന്റെ ഫേസ്ബുക്ക് പേജിലൂടെ പുറത്തു വിട്ടത്.
നവാഗതനായ സുഭാഷ് ലളിത സുബ്രഹ്മണ്യന്‍ സംവിധാനം നിര്‍വഹിക്കുന്ന ചിത്രത്തിന്റെ തിരക്കഥ ശ്രീകാന്ത് ബാലചന്ദ്രനും സുഭാഷ് ലളിത സുബ്രഹ്മണ്യനും ചേര്‍ന്നാണ്. റെസ്റ്റ്‌ലെസ് മങ്കീസിന്റെ ബാനറില്‍ ഒരുങ്ങുന്ന ജുംബാ ലഹരിയുടെ ഗാനങ്ങള്‍ എഴുതിയത് അന്‍വര്‍ അലിയും സംഗീതം കെ സുബ്രഹ്മണ്യനും ആണ്.
ശാലു റഹീം, മണികണ്ഠന്‍, വിഷ്ണു രഘു, പ്രവീണ്‍, പി ബാലചന്ദ്രന്‍ എന്നിവര്‍ പ്രധാന വേഷങ്ങളിലെത്തുന്ന ചിത്രത്തിലെ നായിക പുതുമുഖമാണ്.
