ന്യൂഡല്‍ഹി.വിമാനത്തില്‍ വച്ച് കാബിന്‍ ജീവനക്കാരിയുടെ മുന്നില്‍ പാന്റിന്റെ സിബ് അഴിച്ച് കാണിച്ച മലയാളി യുവാവ് അറസ്റ്റില്‍. ജിദ്ദയില്‍ നിന്ന് ന്യൂഡല്‍ഹിയിലേക്ക് വരികയായിരുന്ന സൗദി എയര്‍ലൈന്‍ വിമാനത്തിലാണ്് സംഭവം. വിമാനത്തില്‍ വച്ച്് പുകവലിക്കുന്നത് തടഞ്ഞ ജീവനക്കാരിയ്ക്ക് മുന്നില്‍ തന്റെ പാന്റ്‌സിന്റെ സിബ് അഴിച്ച്് കാണിച്ച് അപമാനിക്കുകയായരുന്നു ഇയാള്‍.
കോട്ടയം സ്വദേശിയായ 24 കാരനായ ഷാഹിദ് ഷംസുദ്ദീനാണ് യുവാവെന്ന് തിരിച്ചറിഞ്ഞു. ജീവനക്കാരി പുകവലിക്കുന്നത് തടഞ്ഞപ്പോള്‍ ഇയാള്‍ ആദ്യം അവരെ ചീത്ത വിളിച്ച ശേഷമാണ് സിബ് അഴിച്ച് കാണിച്ചത്.
വിമാനം ഡല്‍ഹിയില്‍ ഇറങ്ങിയതിന് ശേഷം ജീവനക്കാര്‍ എയര്‍പോര്‍ട്ട് ഓപ്പറേഷന്‍സ് കണ്‍ട്രോള്‍ സെന്ററില്‍ സംഭവം റിപ്പോര്‍ട്ട് ചെയ്തതായി സെന്‍ട്രല്‍ ഇന്‍ഡസ്ട്രിയല്‍ സെക്യൂരിറ്റി ഫോഴ്സ് (സിഐഎസ്എഫ്) ഉദ്യോഗസ്ഥര്‍ അറിയിച്ചു.ശേഷം സുരക്ഷ ഉദ്യോഗസ്ഥര്‍ പ്രതിയെ ഇന്ദിരാജ് എയര്‍പോര്‍ട്ട് പോലീസ് സ്റ്റേഷനില്‍ എത്തിച്ചു. തുടര്‍ നടപടികള്‍ക്കായി പ്രതിയെ ഡല്‍ഹി പോലീസിന് കൈമാറി.
