തിരുവനന്തപുരം: സംസ്ഥാന സര്‍ക്കാരിന്റെ പ്രത്യേക പ്രതിനിധിയായി എ. സമ്പത്ത് പങ്കെടുക്കുന്ന യോഗങ്ങള്‍ യുഡിഎഫ് എംപിമാര്‍ പങ്കെടുക്കില്ലെന്ന് കെ. മുരളീധരന്‍ എം.പി. ജനങ്ങള്‍ തിരഞ്ഞെടുത്ത എം.പിമാരെ മുഖ്യമന്ത്രിക്ക് വിശ്വാസമില്ലെന്നും നിലവിലെ എംപി മാര്‍ക്ക് ഇല്ലാത്ത കഴിവ് മുന്‍ എംപിക്കുണ്ടോ എന്നും കെ. മുരളീധരന്‍ ചോദിച്ചു.
തിരഞ്ഞെടുക്കപ്പെട്ട എംപിമാരെ മാറ്റി നിര്‍ത്താനുള്ള നടപടി സമ്പത്തിന്റെ ഭാഗത്ത് നിന്നുണ്ടായാല്‍ ഈ വിഷയം പാര്‍ലമെന്റില്‍ ഉന്നയിക്കുകയും ശക്തമായി പ്രതികരിക്കുകയും ചെയ്യും. സമ്പത്ത് പങ്കെടുക്കുന്ന യോഗങ്ങളില്‍ യുഡിഎഫ് എംപിമാര്‍ പങ്കെടുക്കണമോയെന്ന് ആലോചിക്കേണ്ടിയിക്കുന്നു.
വ്യക്തിപരമായി സമ്പത്തിനെ ഇഷ്ടപ്പെടുന്ന വ്യക്തിയാണ്. എന്നാല്‍, അദ്ദേഹം ഇപ്പോള്‍ ഈ പദവി ഏറ്റെടുണ്ടിയിരുന്നില്ലെന്നും മുരളീധരന്‍ വ്യക്തമാക്കി. കേന്ദ്ര സര്‍ക്കാരിന്റെ പദ്ധതികളും സഹായങ്ങളും അതിവേഗത്തില്‍ നേടിയെടുക്കാനായുള്ള പ്രവര്‍ത്തനങ്ങള്‍ക്കായാണ് പ്രതിനിധിയായി എ. സമ്പത്തിനെ സര്‍ക്കാര്‍ നിയോഗിച്ചത്.
