തമിഴ് റൊമാന്റിക്ക് ത്രില്ലറായ ‘കാതലനിലെ’ ശ്രദ്ധേമായ ഗാനം ‘പേട്ട റാപ്പിന്’ വ്യത്യസ്തമായ കവര്‍ പതിപ്പ് ഒരുക്കിയിരിക്കുകയാണ് ഗായകന്‍ വിധു പ്രതാപ്. വാദ്യോപരണങ്ങളുടെ ശബ്ദം അനുകരിച്ച് അവയുടെ സംഗീതത്തെ പുന:സൃഷ്ടിക്കുന്ന ബീറ്റ് ബോക്‌സ് ശബ്ദവിദ്യയുമായി ആര്‍ദ്ര സാജനും ഒപ്പം ചേരുന്നുണ്ട്. വിധുവിന്റെ ആദ്യ കവര്‍ സോങാണിത്.
സംഗീത മാന്ത്രികന്‍ എ ആര്‍ റഹ്മാനോടുള്ള ആദര സൂചകമായാണ് പേട്ടാ റാപ് ഒരുക്കിയിരിക്കുന്നത്. പാട്ടിന് റാപ് മ്യൂസിക് അന്തരീക്ഷം ഒരുക്കിയത് ആര്‍ദ്രയാണ്. രൂപേഷ് ജയനാരായണന്റെ നിര്‍മാണത്തില്‍ അഖില്‍ ഡേവിസ് പൊന്‍മനശ്ശേരിയാണ് സോംങ് സംവിധാനം ചെയ്തിരിക്കുന്നത്. വിധുവിനും ആര്‍ദ്രയ്ക്കും ഒപ്പം നവനീത്, ദേവാംഗന എന്നിവരും കവര്‍ വേര്‍ഷനില്‍ അഭിനയിച്ചിരിക്കുന്നു.
