പേരിലെ കൗതുകം കൊണ്ട് ശ്രദ്ധയാകർഷിച്ച ചിത്രം ഗാഗുൽത്തായിലെ കോഴിപ്പോരിന്റെ ഒഫീഷ്യൽ ടീസർ പുറത്തായി. സംവിധായകൻ ലാല്‍ ജോസാണ് തന്റെ ഫെയ്‌സ്ബുക്ക് പേജിലൂടെ ടീസര്‍ റിലീസ് ചെയ്തത്. രണ്ട് കുടുംബങ്ങളുടെ കഥ പറയുന്ന ചിത്രം സംവിധാനം ചെയ്തിരിക്കുന്നത് പുതുമുഖ സംവിധായകരായ ജിബിറ്റ്, ജിനോയ് എന്നിവർ ചേർന്നാണ്.
ഇന്ദ്രന്‍സ്,പൗളി വത്സൻ, ജോളി ചിറയത്ത്,സോഹൻ സീനുലാൽ എന്നിവർ പ്രധാന വേഷങ്ങിലെത്തുന്ന ചിത്രത്തിൻ്റെ തിരക്കഥ ഒരുക്കിയിരിക്കുന്നത് ജിനോയ് ജനാർദ്ദനനാണ്. ജെ പിക് മൂവീസിൻ്റെ ബാനറിൽ വിജി ജയകുമാറാണ് ചിത്രം നിർമിച്ചിരിക്കുന്നത്.
അഞ്ജലി നായർ, വീണ നന്ദകുമാർ, ഷൈനി. സാറാ, അസീസ്, പ്രവീൺ കമ്മട്ടിപ്പാടം, രശ്മി കോമഡി സ്റ്റാർ, ഗീതി, മേരി എരമല്ലൂർ, നന്ദിനി ശ്രീ നവജിത് നാരായണൻ, ജിനോയ് ജനാർദ്ദനൻ, ശങ്കർ ഇന്ദുചൂഡൻ, ജിബിറ്റ്, സരിൻ, വത്സല നാരായണൻ, സമീക്ഷ നായർ തുടങ്ങിയവരാണ് വേഷമിടുന്ന മറ്റ് താരങ്ങൾ
