ഒരു വർഷത്തെ ഇടവേളയ്ക്കു ശേഷം വിനീത് ശ്രീനിവാസൻ നായകനാകുന്ന മനോഹരത്തിലെ ഒഫീഷ്യൽ സോങ് ടീസർ ട്രെന്റിംഗ് ആയിരിക്കുകയാണ്. കഥകളൊക്കൊ ഒരർത്ഥത്തിൽ എല്ലാരുടെയും ഒന്നുതന്നെയാടോ, എന്ന് വച്ച് ഇന്നാട്ടിൽ ബന്ധുക്കള് മാത്രമല്ലല്ലോ ചില നാട്ടുകാരും ഇല്ലേ പ്രത്യേകിച്ച് ഫോട്ടോഷോപ്പൊക്കെ അറിയുന്ന ചില നാട്ടുകാര് എന്ന വിനീതിൻ്റെ വാക്കുകൾ പ്രേക്ഷകരെ കൂടുതൽ ആവേശത്തിലാക്കുന്നു.
ഓര്‍മ്മയുണ്ടോ ഈ മുഖം എന്ന ചിത്രത്തിന് ശേഷം അന്‍വര്‍ സാദിഖും വിനീത് ശ്രീനിവാസനും വീണ്ടും ഒന്നിക്കുന്ന ചിത്രമാണ് ‘മനോഹരം’. ടെക്‌നോളജിയുടെ കടന്നുവരവോടെ തൊഴില്‍ ഭീഷണി നേരിടുന്ന ഒരു ആര്‍ട്ടിസ്റ്റായാണ് വിനീത് ചിത്രത്തിലെത്തുന്നത്. ചക്കാലക്കല്‍ ഫിലിംസിൻ്റെ ബാനറില്‍ ജോസ് ചക്കാലയ്ക്കല്‍, സുനില്‍ എ കെ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
സഞ്ജീവ് ടി യാണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്. ഇന്ദ്രൻസ്, ബേസിൽ ജോസഫ്, ദീപക് പറമ്പോൽ, ജൂഡ് ആൻ്റണി ജോസഫ്, വി കെ പ്രകാശ്, ഹരീഷ് പേരാടി, കലാരഞ്ജിനി എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
