നടി മഞ്ജു വാര്യറിന്റെ ആദ്യ തമിഴ് ചിത്രമായ അസുരനിലെ പുതിയ ഗാനം പുറത്തിങ്ങി. വട ചെന്നൈ, പൊളാതവൻ, ആടുകളം എന്നി ചിത്രങ്ങൾക്കു ശേഷം ധനുഷ്- വെട്രിമാരൻ കൂട്ടുകെട്ടിലൊരുങ്ങുന്ന ഏറ്റവും പുതിയ ചിത്രമാണ് അസുരൻ. ഇരട്ട വേശത്തിലായാണ് ധനുഷ് എത്തുന്നത്. എഴുത്തുകാരൻ പൂമണിയുടെ ‘വെക്കൈ’ എന്ന തമിഴ് നോവലിന്റെ ചലചിത്രാവിഷ്കാരമാണ് ഈ സിനിമ.
ഇതിനകം ആറുലക്ഷത്തിലധികം പേരാണ് ഈ ഗാനം കണ്ടുകഴിഞ്ഞത്.‘യെൻ മിനുക്കി’ എന്ന ഗാനത്തിന്റെ രചയിതാവ് ഏകനാഥാണ്. തേജസ് അരുണാചലവും ചിന്മയിയും ചേർന്നാണ് ഗാനം ആലപിച്ചിരിക്കുന്നത്. വി ക്രിയേഷനിന്റെ ബാനറിൽ കലൈപുലി എസ് തനുവാണ് ചിത്രം നിർമ്മിച്ചിരിക്കുന്നത്. പ്രകാശ് രാജ്, പശുപതി, ബാലാജി ശക്തിവേൽ, പവൻ, യോഗി ബാബു എന്നിവരും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്. ഒക്ടോബർ 4ന് ചിത്രം തിയറ്റുകളിലെത്തും.
