തമന്നയെ മുഖ്യ കഥാപാത്രമാക്കി രോഹിന്‍ വെങ്കിടേശന്‍ സംവിധാനം ചെയ്യുന്ന പെട്രോമാക്‌സിന്റെ ട്രെയിലർ പുറത്തുവിട്ടു. ഹൊറര്‍ കോമഡി പശ്ചാത്തലത്തിൽ കഥ പറയുന്ന ചിത്രം തെലുങ്ക് ചിത്രമായ ആനന്ദോ ബ്രഹ്മയുടെ റീമേക്ക് ആണ്.
ദേവി 2 എന്ന ചിത്രത്തിന് ശേഷം തമിഴില്‍ തമന്ന മുഖ്യ വേഷത്തില്‍ എത്തുന്ന പുതിയ ചിത്രമാണ് പെട്രോമാക്‌സ്. ചിത്രത്തിന് സംഗീതം ഒരുക്കുന്നത് ജിബ്രാന്‍ ആണ്. ചെന്നൈ, കാരൈക്കുടി എന്നിവിടങ്ങളാണ് പ്രധാന ലൊക്കേഷനുകള്‍. യോഗി ബാബു, മുനിഷ്‌കാന്ത്, കാളി വെങ്കട്ട്, ടി എസ് കെ, സത്യന്‍ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഈഗിൾസ് ഐ പ്രൊഡക്ഷൻസിന്റെ ബാനറിൽ എ. കുമാർ നിർമ്മിക്കുന്ന ചിത്രം ഒക്‌റ്റോബര്‍ 11ന് തിയറ്ററുകളിൽ എത്തും.
Content Highlights: The trailer of the movie Petromax is released
