രജിഷ വിജയനെയും നിമിഷ സജയനെയും പ്രധാന കഥാപാത്രങ്ങളാക്കി വിധു വിന്‍സെന്റ് സംവിധാനം ചെയ്യുന്ന പുതിയ ചിത്രം സ്റ്റാന്‍ഡ് അപ്പിലെ തീം സോംഗ് റിലീസായി. ‘ഒരേ തൂവൽ പക്ഷി കൂടെ വാ’ എന്നു തുടങ്ങുന്ന മനോഹര ഗാനത്തിന്റെ രചന കവിയത്രി ബിലു പദ്മിനി നാരായണനും വര്‍ക്കിയും ചേര്‍ന്നാണ്. ശ്രുതി ഫിലിപ്പ്, സയനോര ഫിലിപ്പ്, വര്‍ക്കി എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്. ഉമേഷ് ഓമനക്കുട്ടൻ തിരക്കഥ ഒരുക്കിയിരിക്കുന്ന ചിത്രം ബി.ഉണ്ണികൃഷ്ണനും ആന്റോ ജോസഫും ചേര്‍ന്നാണ് നിര്‍മിക്കുന്നത്. അര്‍ജുന്‍ അശോക്, വെങ്കിടേശ്, സീമ, നിസ്താര്‍ സേഠ്, സജിത മഠത്തില്‍, ജോളി ചിറയത്ത്, രാജേഷ് ശര്‍മ്മ, സുനില്‍ സുഖദ, ജുനൈസ്, ദിവ്യാ ഗോപിനാഥന്‍ എന്നിവരാണ് വേഷമിടുന്ന മറ്റ് താരങ്ങൾ.
Content Highlights: Released theme song of the Malayalam movie ‘Stand Up’.
