അമല പോളിന്റെ എറ്റവും പുതിയ ചിത്രമായ ‘അതോ അന്ത പറവൈ പോലെ’ യിലെ ആദ്യ ടീസര്‍ റിലീസ് ചെയ്തു. സംഗീത സംവിധായകന്‍ അനിരുദ്ധ് രവിചന്ദറും മോഹന്‍ലാലും ചേർന്നാണ് ടീസര്‍ പുറത്തുവിട്ടത്. ത്രില്ലടിപ്പിക്കുന്ന ആക്ഷന്‍ രംഗങ്ങളും സാഹസിക രംഗങ്ങള്‍ ചേര്‍ന്ന് പ്രേക്ഷകരില്‍ ആകാംക്ഷയുണര്‍ത്തുന്നതാണ് ടീസർ. വിനോദ് കെആര്‍ ആണ് സംവിധാനം നിർവ്വഹിച്ചിരിക്കുന്നത്.
കൊടുംകാട്ടില്‍ അകപ്പെട്ട യുവതിയുടെ കഥ പറയുന്ന ചിത്രത്തില്‍ ആശിഷ് വിദ്യാത്തി, സമീര്‍ കൊച്ചാര്‍ എന്നിവരും പ്രധാനവേഷത്തില്‍ എത്തുന്നുണ്ട്. സെഞ്ച്വറി ഇന്റര്‍നാഷണല്‍ ഫിലിംസാണ് ചിത്രത്തിന്റെ നിര്‍മ്മാണം.
