കാർത്തി, ജ്യോതിക എന്നിവരെ കേന്ദ്ര കഥാപാത്രമാക്കി ജിത്തു ജോസഫ് സംവിധാനം ചെയ്യുന്ന തമിഴ് ചിത്രം തമ്പിയുടെ ട്രെയിലർ പുറത്തിറങ്ങി. പാപനാശത്തിനു ശേഷം ജിത്തു സംവിധാനം ചെയ്യുന്ന രണ്ടാമത്തെ തമിഴ് ചിത്രമാണ് തമ്പി.
സസ്പൻസ് ത്രില്ലറായി അണിയിച്ചൊരുക്കുന്ന ചിത്രത്തിന്റെ തിരക്കഥ സമീർ അരോറ, രെൺസിൽ ഡിസിൽവ, ജീത്തു ജോസഫ് എന്നിവർ ചേർന്നാണ് ഒരുക്കിയിരിക്കുന്നത്. കുട്ടിക്കാലത്ത് ഒളിച്ചോടിയ മകൻ പതിനഞ്ചു വർഷത്തിനു ശേഷം കുടുംബത്തിൽ തിരിച്ചെത്തുന്നതും തുടർന്നുണ്ടാകുന്ന സംഭവങ്ങളുമാണ് ചിത്രത്തിലൂടെ അവതരിപ്പിക്കുന്നത്.
സത്യരാജ്, നിഖില വിമൽ, ഇളവരസ്, ബാല, ആൻസൺ, ഹരീഷ് പേരടി തുടങ്ങിയവരാണ് മറ്റുതാരങ്ങൾ. കൈതിക്കു ശേഷം കാർത്തി നായകനാകുന്ന തമ്പി ഡിസംബറിൽ തിയറ്ററുകളിലെത്തും.
Content Highlights: Thambi movie trailer released
