പാക്കിസ്ഥാന്‍ മുന്‍ പ്രസിഡന്റ് പര്‍വേസ് മുഷറഫിന് വധശിക്ഷ വിധിച്ച് പാക്കിസ്ഥാന്‍ കോടതി. രാജ്യദ്രോഹകുറ്റത്തിനാണ് മുഷറഫിന് ശിക്ഷ വിധിച്ചത്. മുന്‍ ഏകാധിപതിക്ക് പെഷാവര്‍ പ്രത്യേക കോടതിലെ മൂന്നംഗ ബെഞ്ചാണ് വിധി പറഞ്ഞത്. 2007 നവംബറില്‍ ഭരണഘടന ലംഘിച്ച് രാജ്യത്ത് അടിയന്തരാവസ്ഥ അടിച്ചേല്‍പ്പിച്ചതാണ് മുഷാറഫിനെതിരെ ചുമത്തിയകുറ്റം.
രാജ്യദ്രോഹ കേസ് റദ്ദാക്കണമെന്ന് ആവശ്യപ്പെട്ട് മുഷറഫ് സമര്‍പ്പിച്ച ഹര്‍ജി പരിഗണിച്ച ലാഹോര്‍ ഹൈക്കോടതി തിങ്കളാഴ്ച പാക് സര്‍ക്കാരിന് നോട്ടീസ് അയച്ചിരുന്നു. 1999 മുതല്‍ 2008 വരെ പാകിസ്ഥാന്‍ ഭരിച്ച മുഷറഫ് ഇപ്പോള്‍ ദുബായിലാണ് താമസിക്കുന്നത്. 2013 ഡിസംബറിലാണ് മുന്‍ പട്ടാള ഭരണാധികാരിക്കെതിരെ രാജ്യദ്രോഹ കുറ്റം ചുമത്തിയത്. 2016-ലാണ് മുഷറഫ് അറസ്റ്റ് ഭയന്ന് പാകിസ്ഥാന്‍ വിട്ട് പോയത്.
content highlights: former Pakistan president Pervez Musharraf sentenced to death for treason
