വ്യത്യസ്തമായ പ്രമേയത്തിൽ ജയസൂര്യയെ നായകനാക്കി നവാഗതനായ കെഎസ് ബാവ സംവിധാനം ചെയ്യുന്ന പുതിയ ചിത്രം അപ്പോസ്തലൻറെ ഫസ്റ്റ്‌ലുക്ക് പോസ്റ്റര്‍ പുറത്തിറങ്ങി. കുഞ്ചാക്കോ ബോബന്‍, പൃഥ്വിരാജ്, ഇന്ദ്രജിത്ത്, ടൊവിനോ, ആസിഫ് അലി, മഞ്ജു വാര്യര്‍, മംമ്താ മോഹന്‍ദാസ്, ഹണി റോസ്, മിയ തുടങ്ങിയവര്‍ തങ്ങളുടെ ഫെയ്‌സ് ബുക്ക് പേജിലൂടെയാണ് ഫസ്റ്റ്‌ലുക്ക് പോസ്റ്റര്‍ പുറത്തുവിട്ടത്. ഈ ഫെബ്രുവരിയിൽ സിനിമയുടെ ഷൂട്ടിംഗ് ആരംഭിക്കും.
അരുണ്‍ നാരായണന്‍ പ്രൊഡക്ഷന്‍സിൻറെ ബാനറില്‍ നിര്‍മ്മിക്കുന്ന സിനിമ കൊച്ചി, മൊറോക്കോ, സിറിയ, ഇറ്റലി തുടങ്ങിയ സ്ഥലങ്ങളിൽ ചിത്രീകരിക്കും. യഥാര്‍ത്ഥ സംഭവകഥയില്‍ നിന്നും പ്രചോദനം ഉള്‍ക്കൊണ്ട് അഡ്വഞ്ചര്‍ ഡ്രാമയായിട്ട് ചിത്രം ഒരുക്കുന്നത്.
ചില കഥാപാത്രങ്ങളെ അറിഞ്ഞ് കഴിഞ്ഞാൽ ആ വ്യക്തിയായി മാറാനുള്ള കാത്തിരിപ്പ് പറഞ്ഞ് അറിയിക്കാൻ കഴിയാത്ത ഒരു അനുഭവമാണെന്നും നവാഗത സംവിധായകൻ ബാവയും, നിർമ്മാതാവ് അരുൺ നാരായണനും ഈ കഥയും കഥാപാത്രവും പറഞ്ഞു കഴിഞ്ഞപ്പോൾ ഈ കഥാപാത്രത്തെ എന്നിലേക്ക് എത്തിച്ചതിന് ദെെവത്തോട് നന്ദി പറഞ്ഞെന്നും ജയസൂര്യ ഫെയ്‌സ് ബുക്കില്‍ കുറിച്ചു
Content highlight: Jayasurya’s next adventure drama titled ‘Aposthalan’. First look poster has been released
