ജെയിംസ് കാമറൂണിൻറെ ബ്രഹ്മാണ്ഡ ചിത്രം അവതാര്‍ വര്‍ഷങ്ങള്‍ക്ക് ശേഷമാണ്‌ വീണ്ടും എത്തുന്നത്. അവസാന ഘട്ട ജോലികള്‍ പുരോഗമിക്കുകയാണ്. ഇതിനിടെ ചിത്രത്തിൻറെ ഫസ്റ്റ്‌ലുക്ക് പോസ്റ്റര്‍ സോഷ്യല്‍ മീഡിയയില്‍ പുറത്തിറക്കി.
സംവിധായകന്‍ തന്നെയാണ് അവതാര്‍ 2 പോസ്റ്റര്‍ ട്വിറ്റര്‍ പേജിലൂടെ പങ്കുവെച്ചിരിക്കുന്നത്. അവതാര്‍ രണ്ടാം ഭാഗത്തിൻറെ കോണ്‍സെപ്റ്റ് ആര്‍ട്ടാണ് സംവിധായകന്‍ പോസ്റ്റ് ചെയ്തിരിക്കുന്നത്. സിനിമ 2021 ഡിസംബര്‍ 18നായിരിക്കും തിയ്യേറ്ററുകളിലേക്ക് എത്തുക. രണ്ടാം ഭാഗത്തിൻ്റേത് മാത്രമല്ല. വരാനിരിക്കുന്ന നാല് ഭാഗങ്ങളുടെ റിലീസ് തിയ്യതിയും പ്രഖ്യാപിച്ചിരുന്നു. മൂന്നാം ഭാഗം 2023 ഡിസംബര്‍ 22നും നാലാം ഭാഗം 2025 ഡിസംബര്‍ 19നും അഞ്ചാം ഭാഗം 2027 ഡിസംബര്‍ 17നുമാണ് റിലീസ് ചെയ്യുക.
മനുഷ്യരും പണ്ടോരയിലെ നവി വംശക്കാരും തമ്മിലുളള പോരാട്ടത്തിൻറെ കഥയാണ് അവതാറിൻറെ ആദ്യ ഭാഗം പറഞ്ഞത്. 2009ല്‍ എത്തിയ ആദ്യ ഭാഗം 2.7ദശലക്ഷം ഡോളറാണ് തിയ്യേറ്ററുകളില്‍ നിന്നും നേടിയത്. അവതാറിൻറെ ബോക്‌സോഫീസ് റെക്കോര്‍ഡ് അടുത്തിടെയാണ് അവഞ്ചേഴ്‌സ് എന്‍ഡ് ഗെയിം മറികടന്നത്.
Content highlights: James Cameron shared the FirstLook poster of Avatar 2
