വിജയ് സേതുപതിയും തൃഷയും അഭിനയിച്ച് തമിഴിൽ സൂപ്പർഹിറ്റായി മാറിയ ’96’ന്‍റെ തെലുങ്ക് റീമേക്ക് ടീസർ പുറത്തിറങ്ങി. ‘ജാനു’ എന്നാണ് 96 തെലുങ്ക് പതിപ്പിന് നൽകിയിരിക്കുന്ന പേര്. ഷര്‍വാനന്ദും സാമന്തയുമാണ് ചിത്രത്തില്‍ പ്രധാന താരങ്ങളായെത്തിയിരിക്കുന്നത്. തമിഴ് ചിത്രം ഒരുക്കിയ സി. പ്രേംകുമാര്‍ തന്നെയാണ് തെലുങ്ക് പതിപ്പും സംവിധാനം ചെയ്തിരിക്കുന്നത്. തമിഴിൽ സംഗീതം ഒരുക്കിയ ഗോവിന്ദ് വസന്ത തന്നെയാണ് ജാനുവിനും സംഗീതമൊരുക്കിയിരിക്കുന്നത്.
96-ൽ ജാനുവിൻറെ ബാലതാരമായി എത്തിയ ഗൗരി കിഷൻ ഇത്തവണയും ചിത്രത്തിലുണ്ട്. പത്താം ക്ലാസ് ബാച്ചിന്‍റെ പൂര്‍വ്വവിദ്യാർഥി സംഗമത്തെ തുടര്‍ന്നുള്ള സംഭവികാസങ്ങളായിരുന്നു 96 എന്ന ചിത്രത്തിന്‍റെ പ്രമേയം. ചിത്രം ഹിറ്റ് ചാര്‍ട്ടിൽ ഇടം നേടിയിരുന്നു. ചിത്രത്തിലെ ഗാനങ്ങളും ഏറെ വൈറലായിരുന്നു.
Content highlights: Telugu remake of 96 jaanu teaser released
