സങ്കതമിഴന് ശേഷം വിജയ് സേതുപതി നായകനായി എത്തുന്ന മുപ്പത്തിമൂന്നാമത്തെ തമിഴ് ചിത്രമാണ് ‘യാതും ഊരേ യാവരും കേളിര്‍’. ചിത്രത്തിൻറെ ഫസ്റ്റ് ലുക്ക് പോസ്റ്റര്‍ റിലീസ് ചെയ്തു. മേഖ ആകാശ് ആണ് ചിത്രത്തിലെ നായിക. വെങ്കിട്ട്കൃഷ്ണ രോഘന്ത് സംവിധാനം ചെയ്യുന്ന ആദ്യ ചിത്രം കൂടിയാണിത്.
ചന്ദ്രാ ആര്‍ട്സ് നിര്‍മിക്കുന്ന ചിത്രത്തില്‍ കനിഹയും പ്രധാന വേഷത്തില്‍ എത്തുന്നുണ്ട്. സംവിധായകന്‍ മഗിഴ് തിരുമേനി അഭിനേതാവായി അരങ്ങേറ്റം കുറിക്കുന്ന ചിത്രംകൂടിയാണിത്. സംഗീതജ്ഞരുടെ ജീവിതത്തെ അടിസ്ഥാനമാക്കിയുള്ള ഒരു ത്രില്ലറാണ് ചിത്രം.
സംവിധായകന്‍ എസ്.പി. ജനനാഥന്‍റെ മുന്‍ അസ്സോസിയേറ്റ് ഡയറക്ടറായിരുന്ന വെങ്കിട്ട്കൃഷ്ണ രോഘന്ത് സ്വതന്ത്രസംവിധായകനാകുന്ന ചിത്രമാണിത്. ചിത്രത്തിന് വേണ്ടി നിവാസ് പ്രസന്നയാണ് സംഗീതം ഒരുക്കുന്നത്. മഹേഷ് മുത്തുസ്വാമിയാണ് ഛായാഗ്രഹണം നിർവഹിച്ചിരിക്കുന്നത്.
Content highlights: The first look poster of the Tamil film Yaadhum Oore Yaavarum Kelir released
