ടേക് ഓഫിന് ശേഷം മഹേഷ് നാരായണൻ സംവിധാനം ചെയ്യുന്ന ഏറ്റവും പുതിയ ചിത്രമാണ് ‘മാലിക്’. ചിത്രത്തിൻറെ ഫസ്റ്റ് ലുക് പോസ്റ്റർ പുറത്തിറങ്ങി. ചിത്രത്തിൽ സുലൈമാൻ എന്ന കഥാപാത്രത്തെയാണ് ഫഹദ് അവതരിപ്പിക്കുന്നത്. ഒരു റിയൽ ലൈഫ് കഥാപാത്രത്തെയാണ് ഫഹദ് ചിത്രത്തിൽ അവതരിപ്പിക്കുന്നത്.
ഒരു പൊളിറ്റിക്കൽ ത്രില്ലർ ആണ് ചിത്രം. ബാഹുബലി, വിശ്വരൂപം പോലുള്ള ഇന്ത്യൻ പടങ്ങളിലും, ക്യാപ്റ്റൻ മാർവെൽ പോലുള്ള ഹോളിവുഡ് പടങ്ങളിലും വർക് ചെയ്ത പ്രശസ്ത ഹോളിവുഡ് ആക്ഷൻ ഡയറക്ടർ മാസ്റ്റർ ലീ വിറ്റേക്കർ ആണ് ചിത്രത്തിൻ്റെ സംഘട്ടനം ഒരുക്കിയിരിക്കുന്നത്.
ബിജു മേനോൻ, ദിലീഷ് പോത്തൻ, വിനയ് ഫോർട്ട്, നിമിഷ സജയൻ എന്നിവരാണ് ചിത്രത്തിലെ മറ്റ് പ്രധാന താരങ്ങൾ. സുഷിൻ ശ്യാമാണ് ചിത്രത്തിന് വേണ്ടി സംഗീതം ഒരുക്കുന്നത്. 25 കോടി മുതൽ മുടക്കിലാണ് ചിത്രം നിർമിക്കുന്നത്. ആൻ്റൊ ജോസഫാണ് ചിത്രം നിർമിക്കുന്നത്. ഫഹദിൻ്റെ കരിയറിലെ തന്നെ ഏറ്റവും വലിയ ബിഗ് ബഡ്ജറ്റ് ചിത്രമാണിത്.
Content Highlights; Fahad new movie malik first look poster released
