ട്വി​റ്റ​ർ യു​ദ്ധം; ‘നി​ങ്ങ​ളു​ടെ സ്‌കൂളുകളിലെ വി​ദ്യാ​ഭ്യാ​സ വി​പ്ല​വം എ​ന്താ​ണെന്ന് ഞങ്ങൾ കണ്ടു’ കേ​ജ​രി​വാ​ളിന് മറുപടിയുമായി അ​മി​ത്ഷാ 

ഡ​ൽ​ഹി നി​യ​മ​സ​ഭാ തെ​ര​ഞ്ഞെ​ടു​പ്പ് ചൂടിൽ ആ​ഭ്യ​ന്ത​ര മ​ന്ത്രി അ​മി​ത് ഷാ​യും മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ളും ത​മ്മി​ലു​ള്ള ട്വി​റ്റ​ർ യു​ദ്ധവും മുറുകുന്നു. സ്കൂ​ൾ വി​ദ്യാ​ഭ്യാ​സ​ത്തെ നി​ങ്ങ​ളു​ടെ വൃ​ത്തി​കെ​ട്ട രാ​ഷ്ട്രീ​യ​ക്ക​ളി​ക്ക് ഉ​പ​യോ​ഗി​ക്ക​രു​തെ​ന്ന കേ​ജ​രി​വാ​ളി​ന്‍റെ അ​ഭ്യ​ർ​ഥ​ന​ക്ക് ട്വി​റ്റ​റി​ലൂ​ടെ മറുപടി നൽകിയിരിക്കുകയാണ് അ​മി​ത്ഷാ. 

“അ​ര​വി​ന്ദ് കേ​ജ​രി​വാ​ൾ, നി​ങ്ങ​ൾ ക​ഴി​ഞ്ഞ ദി​വ​സം ഡ​ൽ​ഹി​യി​ലെ സ​ർ​ക്കാ​ർ സ്കൂ​ളു​ക​ൾ ക​ണ്ടു നോ​ക്കൂ എ​ന്നു പ​റ​ഞ്ഞി​രു​ന്നു. ഇ​ന്ന​ലെ ഞ​ങ്ങ​ളു​ടെ എ​ട്ട് എം​പി​മാ​ർ സ്കൂ​ളു​ക​ൾ സ​ന്ദ​ർ​ശി​ച്ചി​രു​ന്നു. അ​വി​ടെ അ​വ​ർ ക​ണ്ടു നി​ങ്ങ​ളു​ടെ ’വി​ദ്യാ​ഭ്യാ​സ വി​പ്ല​വം’ എ​ന്താ​ണെന്ന്. ഇ​തി​നു നി​ങ്ങ​ൾ ഡ​ൽ​ഹി​യി​ലെ ജ​ന​ങ്ങ​ളോ​ട് ഉ​ത്ത​രം പ​റ​യേ​ണ്ടി വ​രും.” എന്നാണ് അ​മി​ത് ഷാ ​ട്വി​റ്റ​റി​ൽ കു​റി​ച്ചിരിക്കുന്നത്. 

അ​മി​ത്ഷാ​യു​ടെ പ്ര​സ്താ​വ​ന​യ്ക്ക് പി​ന്തു​ണ​യു​മാ​യി എ​ത്തി​യ​ത് എം​പി മ​നോ​ജ് തി​വാ​രിയാണ്. സ്‌കൂ​ളു​ക​ൾ സ​ന്ദ​ർ​ശി​ച്ച എം​പി​മാ​രെ​ല്ലാം സ്കൂ​ളു​ക​ളി​ലെ ദ​യ​നീ​യാ​വ​സ്ഥ​യും കു​ട്ടി​ക​ളു​ടെ അ​ഭി​പ്രാ​യ​ങ്ങ​ളു​മെ​ല്ലാം ട്വി​റ്റ​റി​ൽ പോ​സ്റ്റു ചെ​യ്തി​ട്ടു​ണ്ടെന്നുംദി​വ​സ​വും ര​ണ്ടു മ​ണി​ക്കൂ​ർ മാ​ത്ര​മാ​ണ് ഡ​ൽ​ഹി​യി​ലെ ചി​ല സ​ർ​ക്കാ​ർ സ്കൂ​ളു​ക​ളി​ൽ അ​ധ്യ​യ​ന​മെ​ന്നും സ്കൂളുകളെ ലോ​ക നി​ല​വാ​ര​ത്തി​ലേ​യ​ക്ക് ആ​ക്കാ​നു​ള്ള ശ്ര​മ​മാ​ണ് ഇ​തെ​ന്നും പ​രി​ഹ​സി​ച്ചാണ് അദ്ദേഹം ട്വി​റ്റ​റി​ൽ പോസ്റ്റ് ചെയ്തത്. 

ആം​ആ​ദ്മി പാ​ർ​ട്ടി​ക്ക് ഡ​ൽ​ഹി​യി​ൽ ന​ല്ല ജ​ന​പി​ന്തു​ണ​യു​ണ്ടെ​ന്നു​ള്ള തി​രി​ച്ച​റി​വാ​ണ് ബി​ജെ​പി​യെ ഇ​ത്ത​ര​മൊ​രു പ്ര​ചാ​ര​ണ​ത്തി​ലേ​യ്ക്ക് ന​യി​ക്കു​ന്ന​ത്.

Content highlights: Tweet war; the AAP government’s claims of “education revolution” have been exposed after BJP MPs inspected some government schools in the state says amit shah