ബാഡ് ബോയ്സ് ഫ്രാഞ്ചൈസിയിലെ ബാഡ് ബോയ്സ് II (2003)ൻറെ തുടർച്ചയായി വിൽ സ്മിത്തും മാർട്ടിൻ ലോറൻസും അഭിനയിച്ച 2020 ലെ അമേരിക്കൻ ആക്ഷൻ കോമഡി ചിത്രമാണ് ബാഡ് ബോയ്സ് ഫോർ ലൈഫ്. ചിത്രത്തിൻറെ ഹിന്ദി ട്രെയിലർ റിലീസ് ചെയ്തു. ആദിൽ എൽ അർബിയും, ബിലാൽ ഫല്ലയും ചേർന്നാണ് ചിത്രം സംവിധാനം ചെയ്തത്.
ഡിറ്റക്ടീവുകളായ മൈക്ക് ലോറി (സ്മിത്ത്), മാർക്കസ് ബർണറ്റ് (ലോറൻസ്) എന്നിവർ വീണ്ടും കേസ് അന്വേഷിക്കാൻ തുടങ്ങുന്നതാണ് കഥ. വനേസ ഹഡ്‌ജെൻസ്, അലക്സാണ്ടർ ലുഡ്‌വിഗ്, ചാൾസ് മെൽട്ടൺ, പോള നീസ്, കേറ്റ് ഡെൽ കാസ്റ്റിലോ, നിക്കി ജാം, ജോ പാൻ്റോലിയാനോ എന്നിവരാണ് ചിത്രത്തിലെ മറ്റ് താരങ്ങൾ. ജെറി ബ്രൂക്ക്ഹൈമർ, സ്മിത്ത്, ഡഗ് ബെൽഗ്രാഡ് എന്നിവർ ചേർന്നാണ് ചിത്രം നിർമിച്ചിരിക്കുന്നത്. ചിത്രം ഇന്ത്യയിൽ ജനുവരി 31ന് പ്രദർശനത്തിന് എത്തും.
Content highlights: Hindi trailer of Hollywood movie Bad Boys for Life has been released
