അജയ് ദേവ്ഗണ്‍ നായകനാകുന്ന പുതിയ ചിത്രമാണ് ‘മൈദാൻ’. ചിത്രത്തിൻ്റെ ടീസര്‍ പോസ്റ്റര്‍ അണിയറ പ്രവര്‍ത്തകര്‍ പുറത്ത് വിട്ടു. അമിത് രവിന്ദര്‍നാഥ് ശര്‍മ്മ ആണ് ചിത്രം സംവിധാനം ചെയ്യുന്നത്. ഫുട്ബോള്‍ പരിശീലകനായ സെയ്‍ദ് അബ്‍ദുള്‍ റഹ്മാൻ ആയിട്ടാണ് അജയ് ദേവ്ഗണ്‍ ചിത്രത്തില്‍ അഭിനയിക്കുന്നത്.
1951ലും 1962ലും ഏഷ്യൻ ഗെയിംസില്‍ ഇന്ത്യയെ വിജയത്തിലേക്ക് നയിച്ച പരിശീലകനാണ് സെയ്‍ദ് അബ്‍ദുൾ റഹ്മാൻ. ചെളി നിറഞ്ഞ മൈതാനത്ത് നില്‍ക്കുന്ന ഫുട്ബോള്‍ താരങ്ങളെയാണ് ടീസർ പോസ്റ്ററില്‍ ഉള്‍ക്കൊള്ളിച്ചിരിക്കുന്നത്. പോസ്റ്ററില്‍ ആരുടെയും മുഖം കാണിക്കുന്നില്ല. ചിത്രത്തിന്റെ ടീസര്‍ എന്ന് റിലീസ് ചെയ്യുമെന്ന് വ്യക്തമാക്കിയിട്ടില്ല. ടീസര്‍ തയ്യാറായി എന്നു മാത്രമാണ് പോസ്റ്ററിനൊപ്പം പറഞ്ഞിരിക്കുന്നത്.
Content Highlights: maiden movie teaser poster released
