ഇന്ത്യൻ വനിത ക്രിക്കറ്റ് താരമായ മിതാലി രാജിൻറെ ജീവിതം പറയുന്ന ബോളിവുഡ് ചിത്രം ശഭാഷ് മിതു. ചിത്രത്തിൻറെ ഫസ്റ്റ് ലുക്ക് പോസ്റ്റർ റിലീസ് ചെയ്തു. റയീസ് ഫെയിം രാഹുല്‍ ധൊലാക്കിയാണ് ചിത്രം സംവിധാനം ചെയ്യുന്നത്.
37 കാരിയായ മിതാലി 2019 സെപ്റ്റംബറിൽ ടി20 കളിൽ നിന്ന് വിരമിച്ചിരുന്നു. എന്നിരുന്നാലും ഏകദിന ക്യാപ്റ്റനായി തുടരുന്ന അവർ അടുത്ത വർഷം നടക്കുന്ന ലോകകപ്പ് വരെ ദേശീയ ടീമിൽ കളിക്കാൻ സാധ്യതയുണ്ട്.
തപ്‌സി പന്നുവാണ് ചിത്രത്തിൽ മിതാലിയായി എത്തുന്നത്. പ്രിയ അവൻ തിരക്കഥ ഒരുക്കിയ ചിത്രം നിർമിക്കുന്നത് വയാകോം 18 സ്റ്റുഡിയോസ് ആണ്. 2021 ഫെബ്രുവരി 5ന് ചിത്രം റിലീസ് ചെയ്യും.
Content highlights: ‘Shabaash Mithu’ movie first look poster has been released
