പീറ്റര്‍ സുന്ദര്‍ദാസ് രചനയും സംവിധാനവും നിര്‍വഹിക്കുന്ന ഏറ്റവും പുതിയ ചിത്രമായ ‘ജോഷ്വാ’യുടെ ട്രെയ്‌ലർ റിലീസ് ചെയ്തു. ഹേമന്തും, പ്രിയങ്കയും ആണ് പ്രധാന വേഷങ്ങളിൽ എത്തുന്നത്. കടലിൻ്റെ പശ്ചാത്തലത്തില്‍, പ്രണയവും സസ്‌പെന്‍സും ഒരുക്കിയാണ് ചിത്രം എത്തുന്നത്. ഫെബിന്‍, അനുട്രെസ്സ, ആനന്ദ്, ദിനേശ് പണിക്കര്‍, മങ്കാ മഹേഷ്, അനില്‍ പപ്പന്‍, രാജ്കുമാര്‍, തിരുമല രാമചന്ദ്രന്‍, രാജ്‌മോഹന്‍, സാബു വിക്രമാദിത്യന്‍, അഞ്ജു നായര്‍, അലക്‌സ് കോയിപ്പുറത്ത് എന്നിവരാണ് ചിത്രത്തിലെ മറ്റ് താരങ്ങൾ. ദി എലൈവ് മീഡിയയുടെ ബാനറിൽ നിർമ്മിക്കുന്ന ചിത്രത്തിന് ഗോപിസുന്ദര്‍ ആണ് സംഗീതം ഒരുക്കുന്നത്. ചിത്രം ഫെബ്രുവരി 28ന് പ്രദർശനത്തിന് എത്തും.
Content Highlights; joshua official movie trailer released
