നവാഗതരായ ജിനോയ് ജിബിറ്റ് ജിനോയ് ജനാർദ്ദനൻ, എന്നിവർ ചേർന്ന് സംവിധാനം ചെയ്യുന്ന ചിത്രമായ കോഴിപ്പോരിലെ ആദ്യ വീഡിയോ ഗാനം പുറത്തിറങ്ങി. ഇന്നലെ പ്രണയ ദിനത്തിൽ ബിജിബാൽ സംഗീതവും ശബ്ദവും നൽകിയ മനോഹരമായ പ്രണയ ഗാനമാണ് നിവിൻ പോളി റിലീസ് ചെയ്തത്.
‘കെട്ട്യോളാണ് എന്റെ മാലാഖ’ എന്ന ചിത്രത്തിലൂടെ പ്രേക്ഷക ഹൃദയം കീഴടക്കിയ വീണ നന്ദകുമാർ ആണ് ചിത്രത്തിൽ നായികയായെത്തുന്നത്. നവാഗതനായ നവജിത്ത് നാരായണനാണ് നായകനായെത്തുന്നു. പൗളി വത്സൻ, ജോളി ചിറയത്ത് എന്നിവരാണ് പ്രധാന വേഷത്തിൽ. ഇവരോടൊപ്പം വീണ നന്ദകുമാർ, ഇന്ദ്രൻസ്, നവജിത് നാരായണൻ , സോഹൻ സീനുലാൽ, അഞ്ജലി നായർ, ജിനോയ് ജനാർദ്ദനൻ, പ്രവീൺ ടി.ജെ., അസീസ് നെടുമങ്ങാട്, ജിബിറ്റ് ജോർജ്, സരിൻ, ശങ്കർ ഇന്ദുചൂഡൻ, ഷൈനി സാറ, മേരി എരമല്ലൂർ, ഗീതി, നന്ദിനി ശ്രീ, സമീക്ഷ നായർ, ഹർഷിത് സന്തോഷ് തുടങ്ങിയവർ മറ്റ് കഥാപാത്രങ്ങളാവുന്നു.
കൊച്ചി നഗരത്തിനടുത്തുള്ള കിടങ്ങൂർ എന്ന ഗ്രാമത്തിലെ ഗാഗുൽത്താ ലെയ്നിലെ താമസക്കാരായ അയൽവാസികളായ മേരിയുടെയും ബീനയുടെയും അവരുടെ കുടുംബാംഗങ്ങളുടെയും സ്നേഹ ബന്ധത്തിൻ്റെ കഥ പറയുന്ന സിനിമയാണ് കോഴിപ്പോര്. വിനായക് ശശികുമാർ എഴുതിയ വരികൾക്ക് സംഗീതം നൽകിയിരിക്കുന്നത് ബിജിപാൽ ആണ്. രാഗേഷ് നാരായണനും, അപ്പു എൻ ഭട്ടതിരിയുമാണ് ചിത്രത്തിൻ്റെ ഛായഗ്രഹണവും എഡിറ്റിഗും നിർവഹിച്ചിരിക്കുന്നത്.
Content Highlights; kozhipporu movie first song released
