നാനി, സുധീർ ബാബു, നിവേദ തോമസ്, അദിഥി റാവു ഹൈദരി തുടങ്ങിയവർ പ്രധാന വേഷങ്ങളിലെത്തുന്ന ഏറ്റവും പുതിയ ചിത്രമാണ് ‘വി’. ചിത്രത്തിൻ്റെ ആദ്യ ടീസർ റിലീസ് ചെയ്തു. മോഹനകൃഷ്ണ ഇന്ദ്രഗന്തിയാണ് ചിത്രം സംവിധാനം ചെയ്യുന്നത്. നാനിയുടെ 25-ാമത്തെ ചിത്രം കൂടിയാണിത്. കരിയറിൽ ആദ്യമായിട്ടാണ് ഒരു നെഗറ്റീവ് വേഷം അദ്ദേഹം അവതരിപ്പിക്കുന്നത്.
ജഗപതി ബാബു, വെന്നേല കിഷോർ, നാസർ, പ്രിയദർശി, ശ്രീനിവാസ് അവസരാല, അമിത് തിവാരി എന്നിവരാണ് ചിത്രത്തിലെ മറ്റ് താരങ്ങളായെത്തുന്നത്. ശ്രീ വെങ്കിടേശ്വര ക്രിയേഷൻസിൻ്റെ ബാനറിൽ ദിൽ രാജു ആണ് ചിത്രം നിർമിക്കുന്നത്. പി. ജി. വിന്ദ ഛായഗ്രഹം നിർവ്വഹിക്കുന്ന ചിത്രത്തിന് അമിത് ത്രിവേദിയാണ് സംഗീതം നൽകുന്നത്. ചിത്രം മാർച്ച് 25ന് പ്രദർശനത്തിന് എത്തും.
Content Highlights: V movie official teaser released
