ഹ്രസ്വ ചിത്രങ്ങളിലൂടെ ശ്രദ്ധേയനായ ഡോ. സിജു വിജയൻ സംവിധാനം ചെയ്യുന്ന മുഴുനീള ചിത്രമായ ‘ഇൻഷ’യുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. പതിമൂന്ന് വയസ്സുള്ളൊരു പെൺകുട്ടിയുടെ സ്വപ്നങ്ങളുടെ കഥ പറയുന്നതാണ് ചിത്രം. ബാലതാരങ്ങൾ ഉൾപ്പെടെയുള്ള പത്തോളം നടീനടന്മാര്‍ ആണ് ഇൻഷയിൽ പ്രധാന വേഷങ്ങളിൽ എത്തുന്നത്.
വേഗതയേറിയ, വളരെ ത്രില്ലിംഗ് നിറഞ്ഞ ആഖ്യാന രീതിയാണ് സിനിമയുടെ ചിത്രീകരണത്തിലും എഡിറ്റിങ്ങിലും സ്വീകരിച്ചിരിക്കുന്നത്. പ്രാർത്ഥന സന്ദീപ് എന്ന പെൺകുട്ടിയാണ് ചിത്രത്തിൽ മുഖ്യ വേഷത്തിലെത്തുന്നത്. ആദിത്യ രാജേഷ് എന്ന ബാലതാരം ആണ് അലി എന്ന വേഷത്തിൽ എത്തുന്നത്. സാനിഫ് അലി, ടിമി വർഗീസ്, അഞ്ജു റാണി ജോയ്, സുമേഷ് മാധവൻ, പ്രശാന്ത്, ജെറിൽ ജോണി എന്നിരാണ് മറ്റ് പ്രധാന വേഷങ്ങളിൽ എത്തുന്നു.
Content Highlights: Insha movie first look poster released
