അക്ഷയ് കുമാറിനെ നായകനാക്കി രോഹിത് ഷെട്ടി സംവിധാനം ചെയ്യുന്ന ഏറ്റവും പുതിയ ചിത്രം സൂര്യവൻഷിയുടെ ട്രെയിലർ പുറത്തിറങ്ങി. ആക്ഷന് പ്രാധാന്യം നൽകുന്ന ചിത്രത്തിൽ പോലീസ് ഓഫിസറായാണ് അക്ഷയ് കുമാർ എത്തുന്നത്.
കത്രീന കെെഫ് ആണ് ചിത്രത്തിലെ നായിക. റൺവീർ സിംഗ്, അഭിമന്യു സിംഗ്, നിഹാരിക രായ്സാദ, അജയ് ദേവ്ഗൺ തുടങ്ങിയവരും ചിത്രത്തിൽ അണിനിരക്കുന്നുണ്ട്.
മുംബെെ നഗരത്തെ തീവ്രവാദികള്‍ ലക്ഷ്യമിടുന്നതും അതിനെ ചെറുക്കാനായി എടിഎസ് ഉദ്യോഗസ്ഥനായ അക്ഷയ് കുമാർ കഥാപാത്രമെത്തുന്നതുമാണ് ചിത്രത്തിന്റെ കഥയെന്ന് ട്രെയിലര്‍ പറയുന്നു. കരൺ ജോഹറും, രോഹിത് ഷെട്ടിയും ചേർന്ന് നിർമിക്കുന്ന ചിത്രം മാർച്ച് 24ന് തിയറ്ററുകളിലെത്തും.
Content Highlights: sooryavanshi movie official trailer released
