ഒടിടി റിലീസിന് ഒരുങ്ങുന്ന ജയസൂര്യ അതിഥി റാവൂ ചിത്രം ‘സൂഫിയും സുജാതയും’ ട്രെയിലർ റിലീസ് ചെയ്തു. തമിഴ് നടൻ ധനുഷിൻ്റെ ഫേസ്ബുക്ക് പേജിലൂടെയാണ് ട്രെയിലർ പുറത്തുവിട്ടത്. ഒടിടി പ്ലാറ്റ് ഫോമിൽ റിലീസ് ചെയ്യാനൊരുങ്ങുന്ന ആദ്യ മലയാള ചിത്രമാണ് സൂഫിയും സുജാതയും. ഫ്രെെഡേ ഫിലിം ഹൌസിൻ്റെ ബാനറിൽ വിജയ് ബാബു നിർമിച്ച ചിത്രം ജൂലെെ 3ന് ആമസോൺ പ്രൈം വിഡിയോയിൽ റിലീസ് ചെയ്യും.
ജയസൂര്യയും അദിഥി റാവൂ ഹെെദരിയുമാണ് ചിത്രത്തിൽ പ്രധാന കഥാപാത്രങ്ങളായെത്തുന്നത്. 14 വർഷങ്ങൾക്ക് ശേഷം അദിഥി റാവൂ മലയാളത്തിൽ അഭിനയിക്കുന്ന ചിത്രം കൂടിയാണിത്. നരണിപ്പുഴ ഷാനവാസ് തിരക്കഥയും സംവിധാനവും നിർവഹിക്കുന്ന ചിത്രത്തിൻ്റെ ഛായഗ്രഹണം നിർവഹിച്ചിരിക്കുന്നത് അനു മൂത്തേടത്ത് ആണ്. ഹരിനാരായണൻ്റെ വരികൾക്ക് ഈണം നൽകിയിരിക്കുന്നത് എം ജയചന്ദ്രനാണ്.
content highlights: Sufiyum Sujatayum Trailer
