ശുചീകരണ തൊഴിലാളികളെ വൃത്തിഹീന തൊഴിലിൽ ഏർപ്പെട്ടിരിക്കുന്നവർ എന്ന് ആക്ഷേപിച്ച് സർക്കാർ വിജ്ഞാപനം. ശുചീകരണ തൊഴിലാളികളുടെ മക്കൾക്കുള്ള പ്രീ മെട്രിക് സ്കോളർഷിപ്പിൻ്റെ അപേക്ഷ ക്ഷണിച്ചുകൊണ്ട് സംസ്ഥാനത്തെ പി.ആർ.ഡി വകുപ്പ് പുറത്തിറക്കിയ വിജ്ഞാപനത്തിലാണ് ഇത്തരത്തിൽ ശുചീകരണത്തൊഴിലാളികളെ അപമാനിക്കുന്ന രീതിയിൽ പരാമർശിച്ചിരിക്കുന്നത്.സംഭവത്തിൽ നിരവധിപേർ പ്രതിഷേധം അറിയിച്ചുകൊണ്ട് രംഗത്ത് വന്നിട്ടുണ്ട്. ശൂചീകരണ തൊഴിലിൽ ഏർപ്പെടുകയും അതുവഴി ആരോഗ്യപരമായ വെല്ലുവിളികൾ നേരിടുകയും ചെയ്യുന്നവരുടെ മക്കൾക്കുള്ള സ്കോളർഷിന് എന്ന് പറയേണ്ടിടത്താണ് ഇങ്ങനെയൊരു പ്രയോഗമെന്ന് മാധ്യമ പ്രവർത്തകൻ കെ.എ ഷാജി ചൂണ്ടിക്കാണിച്ചു.
content highlights: government notification on calling cleaning workers as unhygienic workers