പ്രണവിന് പിന്നാലെ വിസ്മയയും സിനിമയിലേക്കെത്തുന്നു എന്ന വാർത്തയാണ് ഇപ്പോൾ സോഷ്യൽ മീഡിയയിൽ ഏറെ ചർച്ചയാകുന്നത്. താരമായിട്ടല്ല പകരം അസിസ്റ്റൻ്റ് ഡയറക്ടറുടെ വേഷത്തിലാണ് വിസ്മയ വെള്ളിത്തരയിലേക്ക് അരങ്ങേറ്റം കുറിക്കുന്നത്. അച്ഛൻ മോഹൻലാൽ സംവിധാനം ചെയ്യുന്ന ബറോസ് എന്ന ചിത്രത്തിലാണ് അസിസ്റ്റൻ്റ് ഡയറക്ടറുടെ വേഷത്തിൽ വിസ്മയ എത്തുന്നതെന്നാണ് വിവരം. ഒരു എഴുത്തുകാരി എന്ന നിലയിൽ അറിയപെട്ടു തുടങ്ങിയ വിസ്മയയുടെ മറ്റൊരു ചുവടു വെയ്പ്പായിരിക്കും ഇത്. മുൻപ് ബാലതാരമായി അരങ്ങേറിയ പ്രണവ് സിനിമയിലേക്കുള്ള രണ്ടാം വരവ് നടത്തിയത് അസിസ്റ്റൻ്റ് ഡയറക്ടർ ആയിട്ടായിരുന്നു.
കുട്ടികൾക്കും മുതിർന്നവർക്കും ഒരു പോലെ ആസ്വദിക്കാവുന്ന ചിത്രമാണ് ബറോസ് എന്ന് മോഹൻലാൽ നേരത്തെ വ്യക്തമാക്കിയിരുന്നു. ‘കഥയുടെ മാന്ത്രിക പരവതാനിയേറി യാത്ര ചെയ്യാം. അത്ഭുത ദൃശ്യങ്ങൾ നുകരാം. അറബിക്കഥകൾ വിസമയങ്ങൾ വിരിച്ചിട്ട നിങ്ങളുടെ മനസുകളിൽ പോർച്ചുഗീസ് പശ്ചാത്തലത്തിൽ ബറോസിൻറെ തീർത്തും വ്യത്യസ്തമായ ഒരു ലോകം തീർക്കണമെന്നാണ് എന്റെ സ്വപ്നം’ എന്നായിരുന്നു മോഹൻലാൽ ബ്ലോഗിൽ കുറിച്ചത്. അറബിക്കഥകളുടെ മാതൃകയിൽ ഒരു പോർച്ചുഗീസ് കഥയാണ് ചിത്രത്തിലൂടെ മോഹൻലാൽ അവതരിപ്പിക്കുന്നത്.
Content Highlights; vismaya in mohanlal movie
