ലോക്ക് ഡൌൺ കാലത്ത് വെെറലായ വെബ് സീരിസ് ഒതളങ്ങ തുരുത്ത് സിനിമയാകുന്നു. സംവിധായകൻ അൻവർ റഷീദാണ് ഈക്കാര്യം അറിയിച്ചത്. സീരിസിൻ്റെ ആവർത്തനം ആയിരിക്കില്ല സിനിമയെന്നും സ്വതന്ത്രമായ പുനർ നിർമ്മാണമാണ് ആഗ്രഹിക്കുന്നതെന്നും അൻവർ റഷീദ് അറിയിച്ചു. സീരിസിലെ അഭിനേതാക്കൾ, ലൊക്കേഷനുകൾ, സ്വീക്വൻസുകൾ എന്നിവ അതുപോലെ നിലനിർത്തും.
ഒരു വർഷം മുമ്പ് ഇറങ്ങിയ ഒതളങ്ങ തുരുത്ത് ലോക്ക് ഡൌണിലാണ് പ്രേഷക ശ്രദ്ധ പിടിച്ചുപറ്റിയത്. ഇറങ്ങിയ 6 എപ്പിസോഡും 15 ലക്ഷത്തിലധികം പേർ കണ്ടിട്ടുണ്ട്. ഒതളങ്ങ തുരുത്ത് സംവിധാനം ചെയ്ത അംബുജി പ്രധാന കഥാപാത്രങ്ങളെ അവതരിപ്പിച്ച അബിൻ ബിനോ, ജയേഷ് ജനാർദ്ദൻ, ജഗദീഷ് കുമാർ എന്നിവരെ സിനിമയിലും ഉൾപ്പെടുത്തിയേക്കുമെന്നാണ് വിവരം. ഇപ്പോൾ നടക്കുന്ന എപ്പിസോഡിൻ്റെ ജോലികൾ പൂർത്തിയായതിന് ശേഷം സിനിമയുടെ നിർമാണം ആരംഭിക്കും. വ്യത്യസ്തമായ അവതരണ ശെെലിയും പശ്ചാത്തലവുമാണ് തന്നെ സീരിസിലേക്ക് ആകർഷിച്ചതെന്ന് അൻവർ റഷീദ് പറഞ്ഞു.
content highlights: Othalanga thuruth movie by Anwar Rasheed
