ബിരുദ പഠനത്തിനുള്ള പ്രവേശന പട്ടികയിൽ ഒന്നാം റാങ്ക് നേടി ബോളിവുഡ് താരം സണ്ണി ലിയോൺ. കൊൽക്കത്തയിലെ അശുതോഷ് കോളേജിന്റെ ഇംഗ്ലീഷ് ബിഎ (ഓണേഴ്സ്) പ്രവേശനത്തിന്റെ മെറിറ്റ് ലിസ്റ്റിലാണ് സണ്ണിയുടെ പേര് പ്രഥമസ്ഥാനത്ത് പ്രത്യക്ഷപെട്ടത്. അപേക്ഷയുടെ ഐഡിയും റോൺ നമ്പറും സ്ഥാപനത്തിന്റെ വെബ്സൈറ്റിൽ വ്യാഴാഴ്ച പ്രസീദ്ധീകരിച്ച പട്ടികയിൽ ചേർത്തിരുന്നു. പ്ലസ് ടു പരീക്ഷയിൽ നാല് വിഷയങ്ങളിൽ മുഴുവൻ മാർക്കുമാണ് പേരിനൊപ്പം രേഖപെടുത്തിയിരുന്നത്.
എന്നാൽ ആരോ ഇത് മനപൂർവ്വം ഒപ്പിച്ച തമാശയാണെന്ന് കോളേജ് അധികൃതർ വ്യക്തമാക്കിയിട്ടുണ്ട്. തെറ്റായ അപേക്ഷയോടൊപ്പം താരത്തിന്റെ പേര് നൽകിയതാണെന്നും തെറ്റ് തിരുത്തുവാനായി പ്രവേശന വിഭാഗത്തോട് ആവശ്യപെട്ടിട്ടുണ്ടെന്നും അധികൃതർ വ്യക്തമാക്കി. സംഭവത്തിൽ അന്വേഷണം നടത്തുമെന്നും അവർ കൂട്ടിച്ചേർത്തു. ഇതോടെ ഓൺലൈൻ പ്രവേശന നടപടികളെ കുറിച്ച് കടുത്ത ആശങ്കയാണ് ഉയരുന്നത്.
Content Highlights; Sunny Leone’s name ‘mischievously’ makes it to top of Kolkata college’s merit list
