തമിഴിലെ 5 പ്രമുഖ സംവിധായകർ ചേർന്നൊരുക്കുന്ന ആന്തോളജി ചിത്രം ‘പുത്തം പുതുകാലെെ’ ട്രെയിലർ പുറത്തിറങ്ങി. ഗൌതം മേനോൻ, സുഹാസിനി മണിരത്നം, രാജീവ് മോനോൻ, കാർത്തിക് സുബ്ബരാജ്, സുധ കൊങ്കര എന്നിവരാണ് ഹസ്വചിത്രങ്ങൾ ഒരുക്കിയിരിക്കുന്നത്. ഒക്ടോബർ 16ന് ആമസോൺ പ്രെെമിൽ ചിത്രം റിലീസ് ചെയ്യും. സംവിധായകൻ മണിരത്നവും എ ആർ റഹ്മാനും ചേർന്നാണ് ട്രെയിലർ പുറത്തുവിട്ടത്.
‘കോഫി എനിവൺ’ എന്ന ചിത്രമാണ് സുഹാസിനി സംവിധാനം ചെയ്തിരിക്കുന്നത്. അനുഹാസൻ, ശ്രുതി ഹാസൻ എന്നിവർ ചിത്രത്തിൽ അഭിനയിക്കുന്നുണ്ട്. ‘അവളും നാനും’ ആണ് ഗൌതം വാസുദേവ് മേനോൻ ചിത്രം. ചിത്രത്തിൽ എംഎസ് ഭാസ്കർ, റിതു വർമ എന്നിവരാണ് അഭിനയിക്കുന്നത്. ‘റീ യൂണിയൻ’ ആണ് രാജീവ് മോനോൻ ഒരുക്കുന്ന ചിത്രം. ആൻഡ്രിയയും ലീല സാംസണുമാണ് ഈ ചിത്രത്തിലെ അഭിനേതാക്കൾ. കാർത്തിക് സുബ്ബരാജ് സംവിധാനം ചെയ്യുന്ന ഹസ്വസിനിമയാണ് ‘മിറാക്കിൽ’. ബോബി സിംഹ, മുത്തുകുമാർ എന്നിവരാണ് പ്രധാനവേഷത്തിൽ. സുധ കൊങ്കരയുടെ ‘ഇളമെെ ഇദോ ഇദോ’ എന്ന ചിത്രത്തിൽ ജയറാം, കാളിദാസ് ജയറാം, ഉർവശി, കല്യാണി പ്രിയദർശൻ എന്നിവരാണ് വേഷമിടുന്നത്. കൊവിഡ് ലോക്ക് ഡൌണാണ് ചിത്രത്തിൻ്റെ പ്രമേയം.
content highlights: Putham Pudhu Kaalai trailer released
