കൊവിഡ് കാലത്തെ കുട്ടികളുടെ മാനസിക സംഘർഷമെന്ന വിഷയത്തിൽ വിഎച്ച്എസ്‌സി സംഘടിപ്പിച്ച വെബിനാറിൽ ക്ലാസെടുത്തത് പോക്സോ കേസ് പ്രതിയെന്ന് ആരോപണം. രണ്ട് പോക്സോ കേസുകളിൽ വിചാരണ നേരിടുന്ന ഡോ. കെ. ഗിരീഷാണ് വൊക്കേഷണൽ ഹയർ സെക്കൻഡറിയുടെ കരിയർ ഗെെഡൻസ് ആൻഡ് കൌൺസിലിങ് സെല്ലിൻ്റെ ആഭിമുഖ്യത്തിൽ സംഘടിപ്പിച്ച വെബിനാറിൽ ക്ലാസെടുത്തത്. ക്ലിനിക്കൽ സെെക്കോളജിസ്റ്റാണ് ഇയാൾ.
വിഎച്ച്എസ്സിയും ലയൺസ് ക്ലബും ചേർന്ന് സംഘടിപ്പിച്ച വെബിനാറിൽ ലയൺസ് ക്ലബിൻ്റെ യുവ ജനവിഭാഗം കോർഡിനേറ്ററെന്ന നിലയിലാണ് ഗിരീഷ് പങ്കെടുത്തത്. ഗിരീഷിനെതിരായ കേസിനെക്കുറിച്ച് അറിയില്ലെന്നാണ് വിഎച്ച്എസ്സിയുടെ വിശദീകരണം. സംഭവത്തെക്കുറിച്ച് അന്വേഷിക്കാൻ പൊതു വിദ്യാഭ്യാസ വകുപ്പ് ഡയറക്ടർ നിർദേശം നൽകിയിട്ടുണ്ട്.
content highlights: pocso case convict take VHSE webinar
