നിവിൻ പോളിയുടെ പിറന്നാൾ ദിനത്തിൽ പടവെട്ട് സിനിമയുടെ മേക്കിങ് വീഡിയോ പുറത്തിറക്കി ചിത്രത്തിൻ്റെ അണിയറപ്രവർത്തകർ. തുറമുഖം എന്ന ചിത്രത്തിന് ശേഷം നിവിൻ പോളി മാസ് ലുക്കിൽ എത്തുന്ന ചിത്രമാണ് പടവെട്ട്. നവാഗതനായ ലിജു കൃഷ്ണ തിരക്കഥയെഴുതി സംവിധാനം ചെയ്യുന്ന ചിത്രത്തിൽ അദിതി ബാലനാണ് നായിക. നടൻ സണ്ണി വെയിനാണ് ചിത്രത്തിൻ്റെ നിർമ്മാണം.
ഉത്ഭവപ്പറമ്പിലെ ആൾക്കുട്ടവും പിന്നാമ്പുറക്കാഴ്ചകളും അടങ്ങുന്ന വീഡിയോയാണ് ചിത്രത്തിൻ്റെ അണിയറപ്രവർത്തകർ താരത്തിൻ്റെ പിറന്നാൾ ദിവസം പുറത്തുവിട്ടത്. ലോക്ഡൗണിന് മുമ്പ് പ്രഖ്യാപിച്ച ചിത്രത്തിൻ്റെ ഷൂട്ടിങ് ഇതുവരെ പൂർത്തിയായിട്ടില്ല. ആൾക്കൂട്ടം ആവശ്യമുള്ള രംഗങ്ങൾ ഉള്ളതിനാൽ കൊവിഡ് നിയന്ത്രണങ്ങളിൽ ഇളവ് വന്നതിന് ശേഷം മാത്രമെ രണ്ടാം ഘട്ട ചിത്രീകരണം നടത്തുകയുള്ളു എന്നാണ് റിപ്പോർട്ട്.
ഷെെൻ ടോം ചാക്കോ, ഷമ്മി തിലകൻ, ഇന്ദ്രൻസ്, വിജയരാഘവൻ, കെെനകിരി തങ്കരാജ്, ബാലൻ പാറക്കൽ എന്നിവരും ചിത്രത്തിൽ അണിനിരക്കുന്നുണ്ട്. ദീപക് ഡി മേനോനാണ് ക്യാമറ കെെകാര്യം ചെയ്യുന്നത്. അൻവർ അലിയുടെ വരികൾക്ക് ഗോവിന്ദ് മോനോൻ സംഗീതം നൽകുന്നു.
content highlights: Nivin Pauly’s Padavettu making video released
