സോളാർ തട്ടിപ്പ് കേസിൽ ബിജു രാധാകൃഷ്ണന് മൂന്ന് വർഷം കഠിന തടവും 10,000 രൂപ വിഴയും വിധിച്ചു. സോളാർ കമ്പനിയുടെ പേരിൽ തിരുവനന്തപുരം മണക്കാട് സ്വദേശിയിൽ നിന്ന് 75 ലക്ഷം രൂപ തട്ടിയ കേസിലാണ് ബിജുവിന് ശിക്ഷ വിധിച്ചത്. കേസിൽ ബിജു രാധാകൃഷ്ണൻ കുറ്റസമ്മതം നടത്തിയിട്ടുണ്ട്.
എന്നാൽ വിവിധ കേസുകളുമായി ബന്ധപ്പെട്ട് അഞ്ച് വർഷം തടവുശിക്ഷ അനുഭവിച്ച് കഴിഞ്ഞ ബിജു രാധാകൃഷ്ണന് ഇനി പ്രത്യേക ശിക്ഷ അനുഭവിക്കേണ്ടിവരില്ല. കേസിലെ മറ്റ് പ്രതികളായ നടി ശാലു മോനോനും അമ്മ കലാദേവിക്കും എതിരായ വിചാരണ തുടരുമെന്ന് കോടതി അറിയിച്ചു. തമിഴ്നാട്ടിൽ കാറ്റാടി യന്ത്രങ്ങൾ സ്ഥാപിക്കാനെന്ന് പറഞ്ഞ് സോളാർ കമ്പനിയുടെ പേരിൽ മണക്കാട് സ്വദേശിയിൽ നിന്ന് 75 ലക്ഷം രൂപ തട്ടിയെന്നാണ് കേസ്. തിരുവനന്തപുരം വിമാനത്താവളത്തിൽ വെച്ചാണ് മണക്കാട് സ്വദേശി ബിജുരാധാകൃഷ്ണന് പണം കൈമാറിയത്.
content highlights: solar fraud case Biju Radhakrishnan gets three-year imprisonment
