നടി മേഘന രാജിനേയും കുഞ്ഞിനേയും കാണാൻ നസ്രിയയും ഫഹദും ബെംഗളൂരുവിലെത്തി. മേഘ്നയുടെ പ്രസവം നടന്ന സ്വകാര്യ ആശുപത്രിയിലേക്കാണ് നസ്രിയയും ഫഹദും എത്തിയത്. മേഘ്നയുടെ അടുത്ത സുഹൃത്താണ് നസ്രിയ. കഴിഞ്ഞ വ്യാഴ്യാഴ്ചയാണ് മേഘ്ന ആൺകുഞ്ഞിന് ജന്മം നൽകിയത്.
ഫഹദ് ഫാസിലും നസ്രിയയും ബെംഗളൂരുവിലെ ആശുപത്രിയിലെത്തിയ വിഡിയോ സോഷ്യൽ മീഡിയയിൽ വെെറലായിട്ടുണ്ട്. മേഘനയ്ക്ക് കുഞ്ഞ് ജനിച്ച സന്തോഷം നസ്രിയ ഇൻസ്റ്റാഗ്രാമിലൂടെ പങ്കുവെച്ചിരുന്നു. ‘ജൂനിയർ ചീരു വെൽക്കം ബാക്ക് ഭായീ’ എന്നായിരുന്നു നസ്രിയയുടെ കുറിപ്പ്.
ചിരഞ്ജീവി മരിച്ച് ആഴ്ചകൾക്കുള്ളിൽ സോഷ്യൽ മീഡിയയിലൂടെയാണ് ഗർഭിണിയാണെന്ന വിവരം മേഘ്ന പുറത്തുവിട്ടത്. ബേബി ഷവറിൻ്റെ ചിത്രങ്ങളും ചിരഞ്ജീവിയുടെ സഹോദരനായ ധ്രുവ് സർജ വാങ്ങിയ തൊട്ടിലും ആരാധകർ ഏറ്റെടുത്തിരുന്നു. ധ്രുവ് തന്നെയാണ് മേഘ്നയും ചിരഞ്ജീവിയ്ക്കും കുഞ്ഞ് ജനിച്ച വിവരം സോഷ്യൽ മീഡിയയിലൂടെ അറിയിച്ചത്.
content highlights: Nazriya Nazim, Fahadh Faasil visited Meghna Raj and baby, Bangalore hospital
