സൂര്യ നായകനാകുന്ന സുരരെ പോട്രുവിന് എയർഫോഴ്സ് എൻ.ഒ.സി നൽകി. ചില സർട്ടിഫിക്കറ്റുകൾ ലഭിക്കാത്തതിനെ തുടർന്ന് റീലീസ് നീട്ടിവെച്ചിരുന്ന ചിത്രം നവംബർ 12ന് ദീപാവലി റിലീസായി ആമസോൺ പ്രെെമിലെത്തുമെന്ന് ചിത്രത്തിൻ്റെ അണിയറപ്രവർത്തകർ അറിയിച്ചു. പടത്തിൻ്റെ പുതിയ ട്രെയിലറും പുറത്തുവിട്ടിട്ടുണ്ട്.
Here's #AakaasamNeeHaddhuRaTrailerhttps://t.co/vQtPqFWp8j
Premieres Nov 12 on @primevideoIN@themohanbabu @SirPareshRawal#SudhaKongara @gvprakash @Aparnabala2 @rajsekarpandian @nikethbommi @guneetm @sikhyaent @2D_ENTPVTLTD @SonyMusicSouth pic.twitter.com/ORFzyfKhYM
— Suriya Sivakumar (@Suriya_offl) October 26, 2020
ഇരുതി സുട്രുവിന് ശേഷം സുധ കൊങ്ങര സംവിധാനം ചെയ്യുന്ന ചിത്രമാണ് സുരരെ പോട്ര്. സൂര്യയുടെ മുപ്പത്തിയെട്ടാമത്തെ ചിത്രമായ സുരരെ പോട്രിൽ എയർലെെൻ കമ്പനിയായ എയർ ഡെക്കാൻ്റെ സ്ഥാപകനായ ജി.ആർ ഗോപിനാഥിനെയാണ് സൂര്യ അവതരിപ്പിക്കുന്നത്. മലയാളി താരം അപർണ ബാലമുരളിയാണ് നായിക കഥാപാത്രത്തെ അവതരിപ്പിക്കുന്നത്.
സൂര്യയുടെ നിർമാണ കമ്പനിയായ 2 ഡി എൻ്റർടെയിൻമെൻ്റും സിഖ്യ എൻ്റർ ടെയിൻമെൻ്റ്സും ചേർന്നാണ് ചിത്രം നിർമിക്കുന്നത്. ജാക്കി ഷെറോഫ്, മോഹൻ ബാബു, പരേഷ് റവാൽ എന്നിവരും ചിത്രത്തിൽ അണിനിരക്കുന്നുണ്ട്. ജി.വി പ്രകാശ് ആണ് ചിത്രത്തിൻ്റെ സംഗീത സംവിധാനം. സ്പെയ്സ് ജെറ്റ് ബോയിങ് 737 എയർ ക്രാഫ്റ്റിൽ വെച്ചായിരുന്നു ചിത്രത്തിലെ ഗാനങ്ങളുടെ ഓഡിയോ ലോഞ്ച് നടത്തിയത്.
content highlights: soorarai pottru official trailer
