കൊവിഡ് മഹാമാരിയെ തുടർന്ന് അടച്ചിട്ട മൃഗശാലകൾ എട്ട് മാസങ്ങൾക്ക് ശേഷം നാളെ മുതൽ തുറക്കാൻ തീരുമാനം. സാമൂഹിക അകലം ഉറപ്പാക്കി മ്യൂസിയങ്ങളും മൃഗശാലകളും തുറക്കും. കൊവിഡിനെ തുടർന്ന് എട്ട് മാസത്തോളമാണ് മൃഗശാലകളും മറ്റും അടച്ചിട്ടത്. ഇതേ തുടർന്ന് ഏകദേശം അഞ്ച് കോടി രൂപയോളം നഷ്ടം സംഭവിച്ചതായാണ് റിപ്പോർട്ട്.
മാസ്ക് ധരിച്ച് സാമൂഹിക അകലവും പാലിച്ചെത്തുന്നവർക്ക് മാത്രമേ പ്രവേശനം അനുവദിക്കുകയുള്ളു. കൃത്യമായ കൊവിഡ് മാനദണ്ഡങ്ങൾ പാലിച്ചായിരിക്കും നാളെ മുതൽ തുറക്കാനൊരുങ്ങുന്നത്. മൃഗശാലയോട് ചേർന്നുള്ള ചിൽഡ്രൻസ് പാർക്ക് ഒഴികെ മറ്റ് മ്യൂസിയങ്ങളും നാളെ തുറക്കും. നേരത്തെ ടൂറിസ്റ്റ് സ്പോട്ടുകളും ബീച്ചുകളും സഞ്ചാരികൾക്കായി തുറന്ന് കൊടുത്തിരുന്നു.
Content Highlights; Zoo, museum to open tomorrow
