നവാഗതനായ സൻഫീർ കെ സംവിധാനം ചെയ്ത് ജോജു ജോർജ് നാകനാകുന്ന ഏറ്റവും പുതിയ ചിത്രമാണ് ‘പീസ്’. സിനിമയുടെ ചിത്രീകരണം കൊവിഡ് മാനദണ്ഡങ്ങൾ പാലിച്ച് നവംബർ 16 ന് തൊടുപുഴയിൽ ആരംഭിച്ചു. സിദ്ധിഖ്, ഷാലു റഹീം, വിജിലേഷ്, ആശാ ശരത്ത്, ലെന, അതിഥി രവി തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളായെത്തുന്നത്.
ചിത്രത്തിന്റെ കഥ തിരക്കഥ സംഭാഷണം തുടങ്ങിയവ സഫർ സനൽ, രമേഷ് ഗിരിജ എന്നിവർ ചേർന്നാണ് നിർവഹിക്കുന്നത്. അടുത്തുടെ ഡിജിറ്റൽ റിലീസ് ചെയ്ത ഒരു ഹലാൽ ലവ് സ്റ്റോറിയായിരുന്നു ജോജു അഭിനയിച്ച ഏറ്റവും പുതിയ ചിത്രം. ജോജു ജോർജ്, ഇന്ദ്രജിത്ത് സുകുമാരൻ, ഷറഫുദ്ധീൻ എന്നിവർ നായക വേഷങ്ങൾ കൈകാര്യം ചെയ്ത ചിത്രമാണിത്.
Content Highlights; Joju George new movie peace
