സൂപ്പർസ്റ്റാർ നയൻതാര പ്രധാന കഥാപാത്രമായി എത്തുന്ന നെട്രികൺ സിനിമയുടെ ടീസർ പുറത്തിറക്കി. താരത്തിൻ്റെ പിറന്നാളിനോടനുബന്ധിച്ചാണ് ഇന്ന് ടീസർ റിലീസ് ചെയ്തത്. സംവിധായകനും നടിയുടെ പാട്നറുമായ വിഘ്നേഷ് ശിവനാണ് ചിത്രം നിർമിക്കുന്നത്. നയൻതാരയുടെ 65ാം ചിത്രമായ നെട്രികൺ സംവിധാനം ചെയ്യുന്നത് മിലിന്ദ് റാവു ആണ്. ത്രില്ലർ ഗണത്തിൽ പെടുന്ന ചിത്രത്തിൽ മലയാളി താരം അജ്മൽ അമീർ വില്ലനായി എത്തുന്നു.
ചിത്രത്തിൽ നയൻതാര അന്ധയായാണ് അഭിനയിക്കുന്നത്. വിഘ്നേഷ് ശിവൻ ആദ്യമായി നിർമിക്കുന്ന ചിത്രം എന്ന പ്രത്യേകതയും ഇതിനുണ്ട്. രജനീകാന്ദ് നായകനായി 1981ൽ പുറത്തിറങ്ങിയ നെട്രികൺ എന്ന സിനിമയുടെ പേരാണ് നയൻതാരയുടെ സിനിമയ്ക്കും നൽകിയിരിക്കുന്നത്. സിനിമയുടെ പേര് ഉപയോഗിക്കാൻ കവിതാലയ പ്രൊഡക്ഷൻസ് അനുമതി നൽകിയതായി വിഘ്നേഷ് ശിവൻ നേരത്തെ അറിയിച്ചിരുന്നു.
content highlights: Nayanthara’s Netrikann Movie teaser released
