വാട്സാപ്പിലെ മെസേജുകൾ അപ്രത്യക്ഷമാകുന്ന ഫീച്ചർ ഇന്ത്യയിലെ ഉപഭോക്താക്കൾക്കും ലഭിച്ചു തുടങ്ങി. ആൻഡ്രോയിഡ്, ഐഒഎസ്, ഡെസ്ക്ടോപ്പ്, കായ്ഒഎസ്, വെബ് എന്നിവയുൾപ്പെടെ എല്ലാ പ്ലാറ്റ്ഫോമുകളിലും ഈ ഫീച്ചർ ലഭ്യമാകും. അപ്രത്യക്ഷമാകുന്ന മെസേജ് ഫീച്ചർ ഓപ്റ്റ്-ഇൻ ഫീച്ചറാണ്. ഇത് ഓണായിരിക്കുമ്പോൾ അയച്ച സന്ദേശം ഏഴ് ദിവസത്തിന് ശേഷം ഇല്ലാതാകും. വ്യക്തിഗത, ഗ്രൂപ്പ് ചാറ്റുകൾക്കും ഈ ഫീച്ചർ ലഭ്യമാകും.
ഈ ഫീച്ചർ ഉപയോഗിച്ച് അയയ്ക്കുന്ന സന്ദേശങ്ങൾ ഏഴ് ദിവസത്തിന് ശേഷമായിരിക്കും അപ്രത്യക്ഷമാവുക. ഈ ഫീച്ചർ വരുന്നതിന് മുമ്പ് അയച്ചതോ ലഭിച്ചതോ ആയ സന്ദേശങ്ങൾക്ക് ഇത് ബാധകമാവില്ല. ഒരോ ചാറ്റിനും ഈ ഫീച്ചർ ഓൺ ചെയ്യുകയോ ഓഫ് ചെയ്യുകയോ ചെയ്യാം.
ഫീച്ചർ ഉപയോഗിക്കേണ്ടത് ഇങ്ങനെ
- വാട്സാപ്പ് അപ്ഡേറ്റ് ചെയ്യുക
- വാട്സാപ്പിൻ്റെ ചാറ്റ് വിൻഡോ തുറക്കുക
- കോൺടാക്റ്റ് നെയിമിൽ ടാപ് ചെയ്യുക.
- അപ്രത്യക്ഷമാകുന്ന സന്ദേശം ഫീച്ചർ ഓണാക്കുക.
content highlights: WhatsApp Disappearing Messages goes live in India, here is how to use it
