ഇന്ത്യയുടെ ഓസ്കർ എൻട്രി ജല്ലികെട്ടിന് ആദരവ് അർപ്പിച്ച് അമുലിന്റെ ഡൂഡിൽ. ‘ജല്ലി നല്ലത്’ എന്ന തലക്കെട്ടോടു കൂടിയാണ് ഡൂഡിൽ ഷെയർ ചെയ്തിട്ടുള്ളത്. ഒരു പ്ലേറ്റിൽ വെണ്ണക്കട്ടിയും കത്തിയുമായി നിൽക്കുന്ന അമുൽ ഗേളും ജല്ലിക്കട്ട് നായകനുമാണ് ഡൂഡിലിലുള്ളത്. നായകന്റെ ഒപ്പം വിഖ്യാതനായ ആ പോത്തുമുണ്ട്. പോൾക്ക കുത്തുകളോടു കൂടിയ സിഗ്നേച്ചർ ഡ്രസിലാണ് അമുൽ ഗേൾ പ്രത്യക്ഷപെട്ടിരിക്കുന്നത്.
ലുങ്കിയും ബനിയനും ധരിച്ച് തോളിൽ കയറുമായിട്ടാണ് ജല്ലിക്കെട്ട് നായകനെ പോസ്റ്ററിൽ അവതരിപ്പിച്ചിരിക്കുന്നത്. 2021 ലെ ഓസ്കാറിലേക്കുള്ള ഇന്ത്യൻ എൻട്രിയാണ് ലിജോ ജോസ് പല്ലിശ്ശേരി സംവിധാനം ചെയ്ത ജല്ലിക്കെട്ട്. അന്താരാഷ്ട്ര ഫീച്ചർ ഫിലിം വിഭാഗത്തിലാണ് ചിത്രത്തിന് എൻട്രി ലഭിച്ചിരിക്കുന്നത്. ആന്റണി വർഗീസ്, ചെമ്പൻ വിനോദ് തുടങ്ങിയവർ കേന്ദ്ര കഥാപാത്രങ്ങളെ അവതരിപ്പിച്ച ചിത്രത്തിന് ഇതിനോടകം തന്നെ നിരവധി പുരസ്കാരങ്ങൾക്കാണ് അർഹമായിട്ടുള്ളത്.
Content Highlights; Jalli good: Amul doodle cheers the selection of ‘Jallikatu’ as India’s official Oscar’s entry
