വി.കെ പ്രകാശ് സംവിധാനം ചെയ്യുന്ന ത്രില്ലർ ചിത്രം എരിഡയുടെ പോസ്റ്റർ പുറത്തിറങ്ങി. മലയാളികളുടെ പ്രിയ താരം സംയുക്ത മേനോൻ ഗ്ലാമർ വേഷത്തിലെത്തുന്ന ചിത്രത്തിൻ്റെ പോസ്റ്റർ സോഷ്യൽ മീഡിയയിൽ തരംഗമായിരിക്കുകയാണ്. അവളുടെ രാവുകളിലെ സീമയെ അനുസ്മരിപ്പിക്കുന്നതാണ് സംയുക്ത മേനോൻ്റെ ലുക്ക് എന്നാണ് പ്രേഷകരുടെ കണ്ടെത്തൽ.
യവന മിത്തോളജിയുടെ പശ്ചാത്തലത്തിൽ സമകാലിക സംഭവങ്ങളെ പ്രതിപാദിക്കുന്ന ത്രില്ലർ ചിത്രമായ എരിഡയിൽ സംയുക്ത മേനോനെ കൂടാതെ നാസർ, കിഷോർ, ധർമ്മജൻ ബോൾഗാട്ടി, ഹരീഷ് പേരടി തുടങ്ങിയവർ പ്രധാന വേഷം കെെകാര്യം ചെയ്യുന്നു. ട്രെൻ്റ്സ് ആൻഡ് ഫിലിം മേക്കേഴ്സ് പ്രെെവറ്റ് ലിമിറ്റഡിൻ്റെ സഹകരണത്തോടെ അരോമ സിനിമാസ്, ഗുഡ് കമ്പനി എന്നിവയുടെ ബാനറിൽ അജി മേടയിൽ, അരോമ ബാബു എന്നിവർ ചേർന്നാണ് ചിത്രം നിർമിക്കുന്നത്. ഛായാഗ്രഹണം നിർവഹിക്കുന്നത് എസ് ലോകനാഥാണ്. വെെ.വി. രാജേഷാണ് ചിത്രത്തിൻ്റെ തിരക്കഥ. എരിഡ എന്നത് ഗ്രീക്ക് പദമാണ്.
content highlights: Erida movie poster released
