വണ്ടർ വുമൺ 1984 ഈ മാസം 24ന് ഇന്ത്യയിൽ റിലീസ് ചെയ്യുമെന്ന് വാർണർ ബ്രോസ് അറിയിച്ചു. ഇംഗ്ലീഷ്, തമിഴ്, ഹിന്ദി, തെലുങ്ക് തുടങ്ങിയ നാല് ഭാഷകളിലായി ചിത്രം റിലീസ് ചെയ്യും. പാറ്റി ജെൻകിൻസാൺ സംവിധാനം ചെയ്യുന്ന ചിത്രത്തിൻ്റെ ട്രെയിലറുകൾ നേരത്തെ പുറത്തിറങ്ങിയിരുന്നു. 2017ൽ ഇറങ്ങിയ വണ്ടർ വുമൺ ചിത്രം ബോക്സോഫിസിൽ ഹിറ്റായിരുന്നു. അതിനെ തുടർന്നാണ് ചിത്രത്തിൻ്റെ രണ്ടാം ഭാഗം വരുന്നത്. 1920കളിൽ ലോകമഹായുദ്ധകാലത്ത് നടക്കുന്ന സംഭവമാണ് ഒന്നാ ഭാഗമെങ്കിൽ പുതിയ ചിത്രം നടക്കുന്നത് 1984ലാണ്.
ഗാൻ ഗഡോട്ടിന് പുറമെ ക്രിസ് പിനെ, ക്രിസ്റ്റന്‍ വിഗ്, റോബിന്‍ റൈറ്റ് എന്നിവര്‍ പ്രധാന വേഷത്തില്‍ എത്തുന്നു. പെട്രോ പാസ്‌ക്കലാണ് ചിത്രത്തിലെ പ്രതിനായക വേഷത്തില്‍ എത്തുന്നത്. ക്രിസ്മസിന് ചിത്രം അമേരിക്കൻ തിയേറ്ററുകളിൽ എത്തുമെന്ന് നേരത്തെ നിർമ്മാതാക്കൾ അറിയിച്ചിരുന്നു. ഈ വർഷം ജൂണിൽ ചിത്രത്തിൻ്റെ റിലീസ് തീരുമാനിച്ചിരുന്നുവെങ്കിലും കൊവിഡ് വ്യാപനം മൂലം മാറ്റിവെയ്ക്കുകയായിരുന്നു.
content highlights: ‘Wonder Woman 1984’ to hit the cinema screen in India on December 24
