പ്രശസ്ത കലാസംവിധായകൻ പി കൃഷ്ണ മൂർത്തി അന്തരിച്ചു. 77 വയസ്സായിരുന്നു അദ്ദേഹത്തിന്. കലാസംവിധാനത്തിനും വസ്ത്രാലങ്കാരത്തിനും അഞ്ച് തവണ ദേശീയ പുരസ്കാരങ്ങൾ നേടിയിട്ടുണ്ട്. ഞായറാഴ്ച രാത്രി ചെന്നൈയിലെ സ്വവസതിയിലായിരുന്നു അന്ത്യം. മലയാളം, കന്നഡ, തെലുങ്ക്, തമിഴ്, സംസ്കൃതം, ഇംഗ്ലീഷ് ഭാഷകളിലായി 55 ഓലം സിനിമകളിൽ കലാസംവിധായകനായി പ്രവർത്തിച്ചിട്ടുണ്ട്.
സ്വാതി തിരുന്നാൾ, വൈശാലി, ഒരു വടക്കൻ വീരഗാഥ, പെരുന്തച്ചൻ, രാജശില്പി, പരിണയം, ഗസൽ, കുലം, വചനം തുടങ്ങിയ സിനിമകളുടെ കലാ സംവിധായകനാണ്. ജി വി അയ്യരുടെ ഹംസഗീത എന്ന കന്നഡ ചിത്രത്തിലൂടെയാണ് കലാ സംവിധായകനാകുന്നത്. തഞ്ചാവൂരിനടുത്ത് തീരദേശ നഗരമായ പൂമ്പുഹാറിൽ ജനിച്ച കൃഷ്ണമൂർത്തി 1975 ൽ ജി വി അയ്യരുടെ കന്നഡ ചിത്രം ഹംസ ഗീതയിലൂടെയാണ് ചലച്ചിത്ര മേഖലയിലേക്ക് വരുന്നത്. ലെനിൻ രാജേന്ദ്രൻ സംവിധാനം ചെയ്ത സ്വാതി തിരുന്നാൾ എന്ന ചിത്രത്തിലൂടെയാണ് കൃഷ്ണമൂർത്തിയുടെ മലയാളത്തിലേക്കുള്ള പ്രവേശനം.
Content Highlights; famous art director P Krishnamurthi passed away
