കൊച്ചിയില്‍ മാളില്‍ വെച്ച് അപമാനിച്ച യുവാക്കളുടെ മാപ്പ് അപേക്ഷ സ്വീകരിച്ചെന്ന് യുവനടി. കൂടാതെ നടപടിയെടുത്ത പൊലീസിനും മാധ്യമങ്ങള്‍ക്കും നടി നന്ദി അറിയിച്ചിട്ടുണ്ട്. പിന്തുണ നല്‍കിയ കുടുംബത്തിനോടും സുഹൃത്തുക്കളോടും എല്ലാവരോടും നന്ദിയെന്നും നടി വ്യക്തമാക്കി. പ്രതികളെ ഇന്നലെയാണ് പൊലീസ് കസ്റ്റഡിയിലെടുത്തത്. മങ്കട സ്വദേശികളായ റംഷാദ്, ആദില്‍ എന്നിവരാണ് പിടിയിലായത്.
ഇന്ന് രാവിലെ അറസ്റ്റ് രേഖപ്പെടുത്തി. പ്രതികളോട് നടി ക്ഷമിച്ചെങ്കിലും നടപടികളുമായി മുന്നോട്ടു പോകുമെന്ന് പൊലീസ് അറിയിച്ചു. കോവിഡ് – വൈദ്യ പരിശോധനകൾക്ക് ശേഷമായിരിക്കും ഇവരെ കോടതിയിൽ ഹാജരാക്കുക. പ്രതികൾ നടിയോട് മനപൂർവം അപമര്യാദയായി പെരുമാറിയിട്ടില്ലെന്നാണ് പ്രതിഭാഗം അഭിഭാഷകൻ വ്യക്തമാക്കുന്നത്.
Content Highlights; actress accepts the apology in Kochi mall incident
