മോഹന്‍ലാലിനെ നായകനാക്കി പ്രിയദര്‍ശന്‍ ഒരുക്കുന്ന ബിഗ് ബജറ്റ് ചിത്രം ‘മരക്കാര്‍ അറബിക്കടലിന്‍റെ സിംഹം’ റിലീസ് തിയതി പ്രഖ്യാപിച്ചു. ബിഗ് ബജറ്റിൽ ഒരുങ്ങുന്ന ചിത്രം കോവിഡ് വ്യാപനത്തിന് മുമ്പ് ലോക വ്യാപകമായി റിലീസ് ചെയ്യാനാണ് ഉദ്ദേശിച്ചിരുന്നത്. എന്നാൽ കോവിഡ് വ്യാപനത്തെ തുടര്‍ന്ന് തീയറ്ററുകള്‍ അടക്കുകയും ചിത്രത്തിന്‍റെ റിലീസ് നീട്ടുകയുമായിരുന്നു.
ചിത്രത്തിന്‍റെ നിര്‍മാതാവായ ആന്‍റണി പെരുമ്പാവൂര്‍ ഫേസ്ബുക്കിലൂടെയാണ് റിലീസ് തീയതി പ്രഖ്യാപിച്ചത്. മാര്‍ച്ച് 26നാണ് ചിത്രം പുറത്തിറങ്ങുക. അഞ്ച് ഭാഷകളിലാണ് ചിത്രം പ്രദർശനത്തിനെത്തുന്നത്. മോഹൻലാലിന് പുറമേ മഞ്ജു വാര്യർ, മധു, അർജുൻ സർജ, ഫാസിൽ, പ്രണവ് മോഹൻലാൽ, കല്യാണി പ്രിയദർശൻ, കീർത്തി സുരേഷ് തുടങ്ങി വലിയൊരു താര നിര തന്നെ ചിത്രത്തിനായി അണിനിരക്കുന്നുണ്ട്.
Content Highlights; marakar arabikadalinte simham release date march 26
