സീരിയൽ കില്ലറായ കൊടും കുറ്റവാളി പോലീസ് പിടിയിൽ. 45 കാരനായ കൊടും ക്രിമിനൽ മൈന രാമുലുവാണ് ഹൈദരാബാദ് പോലീസിന്റെ വലയിലായത്. ഇയാൾക്കെതിരെ 18 സ്ത്രീകളെ കൊലപെടുത്തിയത് ഉൾപെടെ 21 ഓളം കേസുകളുണ്ടെന്ന് പോലീസ് പറഞ്ഞു.
അടുത്തിടെ നടന്ന രണ്ട് സ്ത്രീകളുടെ കൊലപാതകവുമായി ബന്ധപെട്ടാണ് ഇയാൾ അറസ്റ്റിലാകുന്നത്. കല്ലുവെട്ട് തൊഴിലാളിയായ ഇദ്ധേഹത്തെ സിറ്റി പോലീസ് ടാസ്ക് ഫോഴ്സും രാച്ച കൊണ്ട കമ്മീഷ്ണറേറ്റിലെ പോലീസ് ഉദ്യോഗസ്ഥരും ചേർന്നാണ് പിടികൂടിയത്. 21-ാം വയസ്സിലാണ് ഇയാൾ വിവാഹിതനാകുന്നത്. പക്ഷേ അധികം വൈകാതെ ഭാര്യ മറ്റൊരാളോടൊപ്പം പോയി.
ഇതോടെ സ്ത്രീകളോട് മൊത്തം വൈരാഗ്യം തോന്നിയ ഇയാൾ കൊലപാതകങ്ങളിലേക്ക് തിരിയുകയായിരുന്നു. 2003 ലാണ് ഇയാൾ ഇത്തരം കുറ്റകൃത്യങ്ങളിലേക്ക് തിരിയുന്നത്. സ്ത്രീകളോടൊത്ത് മദ്യപിച്ച ശേഷം ഇവരെ കൊലപെടുത്തും. പിന്നീട് ഇരകളുടെ കൈവശമുള്ള വിലപിടിച്ച വസ്തുക്കൾ തട്ടിയെടുത്ത് രക്ഷപെടുകയാണ് പതിവ്.
Content Highlights; serial killer murdered 18 women; arrested
