ബോളിവുഡ് താരം സന്ദീപ് നഹാറിനെ മുംബൈയിലെ വസതിയില്‍ മരിച്ച നിലയില്‍ കണ്ടെത്തി. ആത്മഹത്യയാണെന്നാണ് പൊലീസ് നിഗമനം. ക്രിക്കറ്റ് താരം എം.എസ് ധോനിയുടെ ജീവിത കഥ പറയുന്ന ‘എംഎസ് ധോണി: അൺടോള്‍ഡ് സ്റ്റോറി’, അക്ഷയ് കുമാറിന്റെ കേസരി തുടങ്ങി ചിത്രങ്ങളിലൂടെ ശ്രദ്ധേയമായിരുന്നു. തിങ്കളാഴ്ച വൈകിട്ട് മുംബൈ ഗൊരേഗാവിലുള്ള ഫ്ലാറ്റില്‍ സന്ദീപിനെ അബോധാവസ്ഥയില്‍ കണ്ടെത്തുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും മരിച്ചിരുന്നു.
മരിക്കുന്നതിന് തൊട്ടുമുമ്പ്‌ ഭാര്യയും അമ്മായി അമ്മയും തന്നെ ബ്ലാക്ക് മെയില്‍ ചെയ്യുന്നുവെന്നാരോപിച്ച് ഒരു വീഡിയോ സോഷ്യല്‍ മീഡിയയില്‍ പോസ്റ്റ് ചെയ്തിരുന്നു. സിനിമാ രംഗത്തെ കുറ്റപ്പെടുത്തിക്കൊണ്ടുള്ള ആത്മഹത്യാക്കുറിപ്പും കണ്ടെടുത്തിട്ടുണ്ട്. ബോളിവുഡിലെ പൊളിറ്റിക്സിനെക്കുറിച്ചും കുറിപ്പില്‍ സൂചിപ്പിച്ചിട്ടുണ്ട്. ഒട്ടും പ്രൊഫഷണല്‍ അല്ലാത്ത പ്രവര്‍ത്തനങ്ങളും വികാരങ്ങളില്ലാത്ത ആളുമാണ് സിനിമയില്‍ ഉള്ളതെന്ന് സന്ദീപ് കുറ്റപ്പെടുത്തുന്നു. സന്ദീപിന്‍റെ മരണത്തെക്കുറിച്ച് പൊലീസ് അന്വേഷണം ആരംഭിച്ചിട്ടുണ്ട്.
Content Highlights; Actor Sandeep Nahar, Kesari, MS Dhoni actor Found Dead After Facebook Video
