ഹേമ മാലിനി, രാജ്കുമാര്‍ റാവു, രാകുല്‍ പ്രീത് എന്നിവരെ പ്രധാനകഥാപാത്രങ്ങളാക്കി രമേശ് സിപ്പി സംവിധാനം ചെയ്യുന്ന ചിത്രമാണ് ഷിംല മിര്‍ച്ചി. ചിത്രത്തിൻറെ ട്രെയിലര്‍ അണിയറപ്രവര്‍ത്തകര്‍ പുറത്തുവിട്ടു. 2015 ല്‍ ചിത്രീകരണം പൂര്‍ത്തിയാക്കിയ സിനിമയ്ക്ക് വിതരണക്കാര്‍ ഇല്ലാത്തതിനാല്‍ അഞ്ചു വര്‍ഷങ്ങള്‍ക്കു ശേഷമാണ് ചിത്രം റിലീസിനെത്തുന്നത്.
രാകുല്‍ പ്രീതിൻറെ അമ്മയുടെ വേഷത്തില്‍ ഹേമ മാലിനി എത്തുന്നു. രാകുലിൻറെ കാമുകനായി രാജ്‌കുമാർ റാവു അഭിനയിക്കുന്നു. മകളുടെ കാമുകനെ പ്രണയിക്കുന്ന അമ്മയുടെ കഥയാണ് ഈ റൊമാൻ്റിക് കോമഡി ചിത്രം പറയുന്നത്. അടുത്ത മാസം മൂന്നിന് ചിത്രം റിലീസ് ചെയ്യും.
content highlights: shimla mirchi movie releasing soon
